好朋友失去理智拍拖

我的好朋友於半年前開始拍拖,起初我好登她開心
但一聽到佢男友細佢5年,仲係全職學生,我打左個突
因為我們已經投身社會好幾年啦,經歷歲月當然同個學生唔同
當佢向我提及佢男友背景時,我很大感覺係騙子
佢話男友用左一年時間讀完3年初中,中四讀半年考會考
再讀兩年預科就上大學讀醫科,不過做左醫生無耐就被釘牌
然後又入番大學再讀其他科,仲話香港的大學太易要出國讀
聽落我覺得成個背景好吹水,因為佢只係20出頭
我問了幾個大學舊同學,都說聽落零可能
好肯定我個朋友係被騙,但她堅持男友所說都係真
她說身邊人都說他吹水,係因為家人同朋友都唔係了解他的那一位

前排我家人因病入院,我有告訴她好擔心家人病況
佢身邊男友立刻說家人所住醫院醫生好廢
於是問我拎家人的個人資料,話可以找人入電腦看家人的病歷,然後安排最好的醫生給家人
我一口拒絕,我當然不會信佢,反而更加對他所言反感
她說佢男友係上流社會的人,識得好多律師,醫生,官員
我覺得佢口中好多大話,畢竟佢只係20出頭90後,點可能會發生
我再三勸朋友理性D,她強調我無證據唔相信佢,她好理性了解緊她的伴侶

佢男友月底就會出發去美國落後地方開基督教學校,歸期可能1-4年
同樣我一句話都唔會信,我老公說佢男友好大機會係消失
老公說成段感情好搞作,好詭異,正常人都唔會相信
仲講如果一個男人真的愛女友不會貿貿然飛走做對雙方感情無好處既野,
除必要進修同短暫公幹
是我的朋友太單純
我同個朋友講,姊弟戀差太遠我不看好,佢既說話我一句都唔信
希望佢男友走後分隔兩地後戀情告終,分手快樂
更不希望能修成正果

而我從這事中覺得我認識多年的好朋友完全失去理性,對異性的口味亦出乎奇特
變得我好像完全5認識佢,唔知點同佢溝通

老公惟有同我講:「道不同不相為謀,我的朋友太渴求愛情啦!」