第一次有的青春的煩惱-我好喜歡的人,為了佢的前途,還是...

我係一個中四學生,過著平凡不過的校園生活,因為一次的家長日,就認識了一位大過我一年的師兄,我們兩個都係班長,所以我家長日當日要當值,其實我開始個陣我係唔識佢,只係知道佢係讀書好勤力,好勁,當日我識佢個班另一位班長,她就問我一個英文字點讀,我就答她,我唔知點解無端端他係我面前經過個陣,我叫佢讀下個英文字,.....(下文唔重要),當日的下午,我就突然諗起原來佢係個個打籃球好勁,拿了one on one 的冠軍(我個陣都有睇佢比賽,但係無帶眼鏡,睇唔清楚佢係邊個),當日就問佢係味打籃球好勁個個,佢話唔係(其實佢講大話,後來問返其他人係佢來的) 家長日之後就冇再同佢講過野

後來我加佢的instagram,問佢知唔知我係邊個,過了幾日先答我佢知我係邊個,之後個幾日都有同我傾計,之後仲有埋佢電話號碼,開始個陣都有應我,但係之後就無應我,有一次佢同我講佢中五好多野做,日日send野俾佢佢會覺得好煩,所以叫我唔好再send野俾佢,我都知道中五係重要時期,所以同佢道歉後就無再send野啦

當然係學校見到面都會打招呼,通常都係我叫佢佢先叫應我,佢唔會主動叫我,佢有次話就算識都唔會整日叫個個人啦,但係我想同佢親近D,因為我喜歡佢,所以見到面都會叫佢個名先安心,有時想同佢講下野,但係佢又愛理不理,有時仲扮見唔到我,有次佢話我整日叫完佢又無下文,有時佢都會理下我家,但係一句起兩句止,突然行得好快,好似想避開我
但係之後我係whatsapp問佢化學,佢都肯答而且冇話我煩呀

我的煩惱:
1.我真係好想同佢講多D野,但係驚佢遘話我煩,有咩方法/藉口同佢講多D野呢?
2.我想佢入到大學,但係我又想同佢親近D,同佢做朋友(其實我好喜歡佢,但係冇理由直接講呀嗎,要一步一步來),但係又驚佢無時間理學業,所以唔知點做
3.我無時無刻都諗住佢,發夢都諗住佢希望佢日日都咁開心,日日都咁健康,日日都咁好,佢都就來畢業,可以同佢相處的時間唔多,我真係好想好想同佢做朋友(我喜歡佢的),我都明白有D野唔可以太急,否則會弄巧反拙,我應該點做呢?
4.同佢相差一年,又唔係本身熟絡,年齡同時間係味一個問題呢?
(我真係好鐘意好鐘意佢呀)
5.我係味要等到佢入到大學先同佢講我喜歡佢,定係係佢LAST DAY個日講,又定係入到佢入到的大學再同佢做朋友(當然唔止想做朋友咁簡單啦)?
6.如果佢入唔到大學,咁我又無講我喜歡佢,咁味無機會俾佢知道我的想法?

第一次有的青春的煩惱,唔該你們俾我一些建議,萬分感謝