問題困擾左我好耐,我女友係咪放唔低之前暗戀果個男仔

我同佢一齊左兩個幾月,其實我地平時都幾開心同enjoy
行下街,親熱下,睇下戲咁,同一般情侶無分別

只係有個問題困擾左我好耐,我唔知我女朋友個心係點.
初初佢係有鐘意ge男仔,暗戀左個男仔好耐,大約有2年
但係最尾個男仔跟本唔鐘意佢,最後係情人節同左第二個女仔一齊.
佢知道左之後喊左好耐,由於我本身都同個E個女仔係勁好朋友(超越朋友但不是情人的關系)
所以我就不斷安慰佢,又哄又剩,最後可能我真係想佢開心翻定唔知點
我果時竟然同佢講左話其實我鐘意你,佢突然衝過尼攬住我話好多謝我,又話佢好開心我同佢表白.但其實本身都無諗過我地會拍拖發展成情侶關系,因為佢拒絕過好多男仔,而且佢自已質素又唔差,跟本大把選擇.所以佢話好開心我都嚇左一嚇.
最後可能我地本身關系都好好,而且佢又受我,所以都發展成情侶關系.

我知道佢好愛我,成日都掛住我,又有好多野都滿足我(包括性)
當然我都好愛佢,咩都就曬佢.

但係有時同佢傾傾下計佢又提翻佢之前暗戀個男仔又點點點,我真係好唔開心
由於我女朋友有個男仔ge Instagram,有時我女朋友睇到個男仔同佢個女朋友D相,佢又好似唔開心咁,總知被我總感覺就係覺得佢放唔低,個男仔係佢心目中ge地位仲高過我.

我有時問佢係咪放唔低,佢又話咩有我就足夠,咩葡萄下人地咁解
我真係半信半疑,我好困擾好亂好煩.
如果個男仔係我女朋友心目中ge地位比我高的話,而且又有需要的話我願意分手.
因為我唔知其實佢個心係咪真係屬於我.

麻煩師兄認真解答,我真係好需要你地ge幫助.Orz