唔知點解覺得前度男友很噁心...

唔知點解依加一諗起EX嘅任何野都覺得好噁心,
但其實佢之前都冇做過D太過分嘅事,而且係我自己同佢話要分手(我地拍拖果段時間KISS都冇KISS過)

話說我地係曖昧左一排,之後就一齊左(但其實雙方都冇表白[佢大我8年有多]),
而係一齊果一個人,因為佢諗野太負面,人又冇上進心,咩都講到世界末日咁,
我開始對佢失望,其實佢對我都唔錯,
只係我都有同佢講叫佢唔好成日諗得咁負面,
但佢仍然次次都係咁,所以我就慢慢發現我對佢完全冇哂感覺、冇哂將來嘅畫面,
就算再一齊我對佢都只有絕望,所以就同佢分左手

而分手之後幾日佢當然好傷心(加上我係佢初戀),我都有D唔捨得同埋內疚,
但過左一個星期左右,我發現分左手之後就好似成個人都鬆哂、得到解脫,
所以我唔會後悔同佢分手,但之後佢又死話要做朋友,
咁我諗住如果佢放得底嘅話做朋友都可以,
佢就係咁話會放底,而我次次回佢都好冷淡,
但佢仍然繼續講(其實講D野幾無聊似係冇野搵野黎講)
本來頭幾日都冇乜野,之後就開始完全唔想理佢,
我諗佢都知我唔係好想理佢,所以少左搵我,
但又成日係D特別日子/有D野發生,就會同我講咩小心D又點點點,
我就開始覺得有D噁心嘅感覺,
之後無意中發現佢係一個通訊APP到成日打D咩"放唔底你"又PO相講有幾掛住我又喊咁,
果時我見到只係覺得噁心到想講粗口,(以前試過有幾個朋友鍾意左我,之後又打埋D咩為左我可以點之類嘅野,我都覺得極度噁心而唔想同佢再講任何野)
之後我就揀左不想再看到此人的交友圈,
之後又過左一排佢都冇搵我,
其實我成日見到同佢個聊天記錄,
都好想快D有多D人搵我令到同佢個聊天室沉底,
終於都等到佢就黎見唔到,點知前日落大雨,
佢一早又打句野黎話大雨要小心D,我即時爆左句粗口,
之後接近崩潰咁DEL埋佢個CHATROOM DEL埋佢電話
(我有D後悔點解我唔一早咁做)
同埋覺得極噁心,對於佢對我嘅關心我全部都覺得好噁心!

依加甚至一諗到佢就有噁心嘅感覺,一諗到以前同佢一齊出過街,同佢拖過手,就好想死,
而覺得噁心之如,又覺得自己真係好衰,
明明係自己同人分手,搞到人咁傷心,仲要覺得人地嘅好意十分噁心
但我真係控制唔到自己,我覺得人生最噁心嘅事就係同左佢一齊...
唉...點解我會咁覺得,,,明明都係自己曾經鍾意過口嘅人...
我依加好苦惱一有野令我聯想到佢,我就好想嘔,甚至一同D男性朋友講野都覺得有D噁心...

到底我點解會咁QQ