機器碼深究

首先assembly(低階語言)係參數數量小既時侯
不需要使用stack,可以直接使用register將參數轉送
而C/C++等高階語言係唔可以的
呢個就係低階語言比高階語言快既主要原因
--------------------------------------------------
而高階語言移值性上既優勢

低階語言 單 對 CPU 單
1.低階語言 -> machine code
不同CPU要用不同既命令

高階語言 單 對 CPU 複
1.C/C++ -> binary file
2.binary file -> machine code
如果可以由binary decode做machine code
就等如CPU支援到個binary file
--------------------------------------------------
我係由C開始學寫program的
未試過全部用assembly黎寫
所以答唔到你點setup 直接用assembly
不過你可以 用Microsoft Visual C++ 既 Inline assembler 黎寫assembly

希望能解答到你既疑問^^

2014-04-02 23:06:11 補充：
我所知是沒有分別..
你可以參考下 http://zh.wikipedia.org/wiki/組合語言

好奇的是你想開發什麼...為何執着那些小速度呢?
因為由 assembly -> machine code 是乏味耗時的...

2014-04-06 20:18:13 補充：
講逆向工程既資料比較小
建議你買書學


韓文(原著)
http://www.amazon.com/dp/8998139014
日文(翻譯)
http://www.amazon.co.jp/dp/4844334794


英文:未睇過內容,不過Reviews唔差,wikipedia既延伸導讀都有提到
http://www.amazon.com/dp/0764574817

2014-04-06 20:20:26 補充：
用Tag冇左個書名
1.Reverse engineering the Bible 韓文(原著) / 日文(翻譯)
2.Reversing: Secrets of Reverse Engineering (英文)

因為你沒有真正去寫一個機械語言程式，所以你不明白為何所有其他高階語言編寫程式一定效率效低。
『c++經編譯生成(也是)機器碼，何來執行速度上既差別?』
cpu執行機器碼速度當然幾時都一樣，但高階編繹的機器碼會做多左好多無謂野。
以你的一個sub-routine或者叫function或者叫PROCEDURE為例，雖然什麼都冇做，但因為要general purpose，進入前，高階編出來的碼必定把所有register都推到stack保存，完成後取回，即PUSH ALL和POP ALL，若你以機械語寫，你只會用那一個才SAVE那一個。
又以一個for loop為例，i可能會存到一個memory，(因為中間唔知你會點)，而以機械語編寫，你定必直接用一個register。速度分別可以很大。
『唔通點解高階語言會有移值性上既優勢』
這是編譯器的工作。因cpu結構不同，如register多少，定址法等，機械碼寫的方法不同，但若你以c來寫，只要用不同的編譯器，可以生成對應那一粒cpu的機械碼，源碼相同。這就是可攜性的好處。若以機械碼來寫，編程者基本要由頭學，因為加減乘除都可能不同。這個要你學了多過一粒cpu的instruction set就會明得多。

『應該唔會係C++有齊哂所有CPU既instruction set掛=.=』
編繹器就是把你寫的句子轉成cpu的instruction，不同cpu須要用不同的編譯器(compiler)，例如你用的vc++，其實只有對應x86，如要搬到arm或者其他cpu，vc++無能為力。
雖則compiler幫了一大把。不過其實因為好多野會連到os有關，例如你code左個drive 係c:，拿到mac或者linux係唔得。所以只係大部份可重用，但係乜都唔改係始終唔得。
若以mcu的程式來說，會由於io腳不同，timer不同等令到c源碼不能共通。

講左咁耐，其實冇人用機械語(machine code)來寫，即係你的10001010，(就算寫都會寫16進)，都冇人識睇，寫係會用編匯語言(assembly code)，其實基本上係一一對應。例如要打印hello world。對dos而言，(或者叫windows 的console mode)，會寫成咁
org 100h
jmp start
message db 'Hello World!$'
start:
mov dx, offset message
mov ah, 09 // 呢個係打印指令
int 21h
mov ax, 4c00h // 呢個係結束指令
int 21h
你睇到指令係直接用cpu 的register，不同cpu已經不同，另一件事係int21係dos專用，搬去第二度已不同，所以完全不可搬。

若在windows想寫assembly,根本系統已有，叫debug，你可以執行度輸入，入左去用a 100<enter>跟住 就可 以寫。
不過冇label，全部用地址。要寫可以用masm，已變freeware。冇乜人全個assembly咁寫，大部份會將部份critical的寫個function，叫inline assembly，borland turbo pascal有，學寫assembly係一個極好工具。