關於人際關係問題(朋友,愛情)

朋友方面先
如果你個班既人因為排斥某個人而先去靠近你, 其實佢地唔係想同你做朋友,
只係想爭取多d人既認同, 壯大佢地既勢力

如果佢地都話你知佢地覺得你煩, 你可以自己深思熟慮下
一日完之前檢討下自己有咩不足既地方
改變下自然既性格, 其實可能可以識到更多朋友呢
不過朋友, 其實係人夾人緣既
可能你而家仲未遇到d同自己投契, 對自己好既朋友姐
唔洗為左想識朋友而比他人影響自己既性格, 忠於本性就好

其實你而家兩頭唔到岸都唔係咁好
你睇下自己比較認同邊一方既價值觀同埋做法啦
揀定左一邊之後再慢慢退出另一邊
無論你點選擇都一定會比人講你壞話架喇
記住口係生係人地度, 佢地講你壞話只係佢地小人
只要你問心無愧就好

愛情方面
如果我冇估錯過話, 你應該冇中意過異性?
其實有冇人中意又有咩所謂呢?
同朋友一樣, 異性都係人夾人緣
時機成熟, 自然就會出現一個岩你既男仔, 冇得強求

如果你冇中意既人, 又何必在意他人中唔中意你呢?
如果你想人地發現你既內在美
就先好好思考下自己既內在有咩優點, 再突出自己既優點
先識欣賞自己, 其他人先會欣賞你

最後, 如果一個男仔真係中意你既話, 佢係唔會太在意你既外表, 畢竟你先14歲, 對愛情既概念比較模糊, 所以都係專心學業同努力同人地建立友誼, 愛情既野留返高中思想成熟再諗都未遲啦

1. 首先你兩邊走已經非常唔好 因為遲早佢地都會發現你同個女仔(暫稱B)來往
到時B因為你同人地一齊講佢是非/人地講佢你唔幫佢而同你疏遠
果班人又因為你同佢有來往而排擠埋你 最後你就forever alone

你應該同班女仔斷絕來往 我知你心底唔想既 因為你想變人際王嘛
但講真 通常愈大既圈子 愈好既人緣 是非就愈多 亦會被愈多人討論(壞方面)
據我經驗 D圈子多數好多人表面好fd 私底下就係咁講對方是非/討厭對方 你想變成咁?
你迫自己加入佢地圈子 都唔會有真心fd 不如同B一齊 同病相憐總是friend

你話自己煩 其實初中既人會特別care人地性格既小小缺點
你要改架 起碼你唔會有個lonely既初中生活 同對你大個做人都有幫助
例如出門口之前對住塊鏡同自己講幾次「我要講少D野!」
拿 唔好以為咁成個on9咁 其實咁係比潛意識一個提示 咁你果日潛意識就會令你講少d野

2. 尼件事最好既解決方法就係「人地中意你 關你咩事?」
千祈唔好捲入感情事到 最少初中唔好 因為初中既人好情緒化同多愁善感 即使你唔覺得自己係
到時又要煩自己外表唔夠索 唔夠潮
有人溝又要煩佢煩住你 又要比人話收兵 又要搞曖昧
有仔又要煩佢唔理你 又要煩佢係咪大冒險輸左 又要煩佢會唔會溝第二件
有仔又有人溝就要煩邊個好 又要煩自己對唔住邊個 又比人話玩弄人地感情

放心啦 內在美一定有人發現既 差在早定遲姐
大學之前未拍過拖都無咩野既 反而出左社會都無拍過拖就要檢討下
不過依家你先14歲 唔洗擔心咁多 順其自然啦!

2014-04-03 03:01:02 補充：
利申 女

你不好理會排擠同學的女生，要關心被排擠的同學。
沒有一個正常的男生喜歡你，就和他們做做朋友！你又可以問他們為什麼覺得你煩！

你唔應該為左你既人緣而同一班對你愛理不理既人一齊排斥你既朋友
唔好為左人地而改變你自己
不過缺點係一定要改的
可能係因為你性格既問題
而令到你既同學唔like你,覺得你煩
因為樣靚其實已經係佔左優勢
如果性格係好既話 就得人中意
你應該問清楚佢地你點解煩
甘先可以改到缺點
而得到佢地既認同同你做朋友