我覺得我係後備囉

上年10月係同朋友去海洋公園時識咗個男仔,之後又成班人出嚟食飯見面,仲一齊打籃球而熟落添.個晚之後男仔就主動話MORNING CALL我啦,後來仲成日WHATSAPP,佢有約個我睇戲架,但最衰個晚自己唔得閒...無應約.平安夜個日仲問我去邊添,但佢又無約我喎,而佢只係話同朋友去食放題.

到咗25號我哋一行5人去咗山頂野餐過聖誕,之前已經抽簽知道要送禮物比邊位朋友仔,而呢個男仔就抽中咗我,佢送咗一隻心形耳環比我添,但當期時我車在太怕醜啦,因為太多朋友望仕我,我無反應,無表情...唔知係咪咁,所以個男仔之後都無再揾我啦!但第二日我有話比佢知我鐘意隻耳環架,我事後都有表明架.

至此之後男仔無再WHATSAPP,MORNING CALL啦,我有主動揾佢架,但佢好似唔想睬我咁,態度冷冷淡淡,又突然消息咗一段時間,係WHATSAPP個GROUP都唔好係好出聲,所以我之後都唔敢打擾佢啦!

事隔一個月到,我又再主動同個男仔傾計,又叫佢MORNING CALL我,但佢就無再主動同我WHATSAPP啦,每次都係我揾佢先,起初都仲有野講架.但去完旅行返嚟之後,我覺得我幾主動都好佢都唔會揾我,我開始覺得係我迫佢MORNING CALL我,所以我都無再揾佢.

有日佢突然WHATSPP我,問我點解唔揾佢傾計呀,我答佢我唔揾你,你都可以揾我架.後來我哋成班人相約打波,我覺得佢對我疏遠咗,起初我以為我講既野嚇親佢啦,以為我唔鐘意佢同我咁CLOSE.所以我MAIL咗封野比佢.

內容大致話我其實收到你隻耳理我好開心,但當期時我怕醜,所以我怯.

你MORNING CALL我時,其實我好開心架,我都唔識電話瞓既,係因為你我先開電話

但之你之後忽冷忽熱,我跟本唔知你想點,所以我有段時間無揾你.你問我點解我唔揾你,其實我想你揾我先,只少我會覺得你唔係討厭我.

總知我就同佢表白咗啦,不過佢之後都無覆我呀.但上星期我哋成班同事踩單車,佢之前應承咗嚟,但咁啱佢有個相熟既朋友唔到喎,我咪話成班人你都唔識,你駛唔駛考慮吓仲嚟唔嚟呀!

佢又話繼續嚟踩喎,但全程佢都好TAKE CARE我架,我無食早餐佢又叫我買野食,我無水佢又不停叫我買水.佢幫我袋住支水,又問我飲唔飲,我已經主動提出話放係單車籃到架啦,佢又話唔駛.到最後踩完車佢又話一齊自拍影相,佢仲同我塔住膊頭影.

本來朋友有普通既身體接觸我係無問題既,但我表白完佢又唔答我,但咁TAKE CARE我其實我唔太鐘意,我唯有當佢有風度啦.我仲見到佢踩單車之餘,影咗啲風景相WHATSAPP比個女仔添,我估佢應該同咗第二個一齊啦!不過我哋而家都無揾大家啦

但我想知道佢當初係咪想追我啦,但我感覺佢當時唔只追我一個囉,邊個有反應就同邊個一齊咁.一個男仔如果有心想追你,又點會咁易放棄喎,我真係唔太明白,或者佢從來無認真過啦,我只係佢一個後備.