本人22歲,但只有中五學歷,細個窮又蠢,食方面都成問題,
所以去到中五就冇能力讀上去要出黎打工,
第一份工係做果欄文員,因為人工低長時間ot,
而且老豆癌症復發需要照顧,
所以做左一年就冇做,照顧左老豆幾個月就諗住穩定左再搵工,
因為住院開支太大一定要工作,之後見成左份牙科助護既工,
有8500蚊同時間穩定返1-6,只係放工要放8:30,做左大半年後,
老豆就過左身,到呢家我已做左年半,其實一直做得幾好,
但我擔心,覺得自己如果比人炒左可能搵唔返類似既工,
由於老豆過左身減輕左經濟負擔,同埋住公屋我每月都可以儲返小小錢,
所以打算進修下,但係自己又放得夜,唔知有d咩可以選擇,
而且只有中五學歷又冇其它技能,人工應該唔會加好多,
又好怕第時老左得洗廁所呢d辛苦工我揀...
其實我最想襯後生讀返好D英文,至少都可以同外國人溝通,同對工作有幫助,
我自己都無從入手....細個又晒左好多時間冇讀好書,
呢家應該揀咩讀都唔知,夜校果d適唔適合我?
但係又要keep住份工...我好迷惘....應該點做?
學歷低,工作與進修問題
2014-03-26 8:30 pm
回答 (2)
2014-03-26 9:37 pm
✔ 最佳答案
其實你的情況已經比好多人好了... 最少, 你有一個中五畢業的學歷, 你已經有入場劵了. 如果會考合格就更加好了... 當然在學歷膨脹的今天, 真是微不足道, 但這是有與無的分別, 而不是多與少的分別...你有一份穩定的工作, 問題是收工比較晚... 而不少課程都是 7 點開始上課的, 因此你先需要打聽, 或詢問你的老板, 可否每星期讓你早走 2 天... 如果答案是正面的, 你才可想下一步的計劃... (當然你亦事先要找一些課程資料, 否則人地問你讀咩你都答唔到...)
好了, "你想讀什麼" 是另一個問題... 看你的描述, 你想先學好英文... 咁樣你可以考慮報讀 "持續進修基金" 內核准的英文課程, 當然你需要睇清楚學校的質素... 考試合格後有學費資助, 對你的負擔比較細... 而且多年沒有讀書, 藉此試試自己的恆心亦是不錯...
之後可以考慮因你的興趣, 報讀一些證書 / 文憑的課程 , 咁樣你會學到另一範圍的知識, 再睇情況, 看看有沒有新發展吧...
講得太長遠沒用的... 先行第一步吧
2014-03-27 1:23 am
我其實唔係太贊成現階段去學英文,因為以你既情況,就算學好左英文都係自己得益,係搵工上仍然困難.
可以考慮針對行業既課程去讀,首先係行業上會優先,我是但舉個例,你去做保安,如果有讀過物業管理,已經贏左一班只有保安牌既同事,升職機會亦大,但如果你識多2句英文,我就算請你都係buy你後生多d.
而且你要衡量番時間,讀英文係要花好長時間,以你22黎計,最好係25之前選定行業,集中火力走向專業之路,反而過左30,先去補番英文呢瓣都仲可以,因為學黎就真係希望可以走向管理層之路.
2014-03-26 17:30:41 補充：
我細個都好窮,讀書都唔叻,工作都間中需要使用英文,但從來冇特別去進修英語,因為專業係凌駕於語言之上,英文基本上係"應付到"就夠,唔需要特別出眾.
如果睇番轉頭,自己亦覺得冇錯,讀唔成書就係讀唔成,但咁唔代表會一事無成,亦好彩冇浪費時間去學習自己唔擅長既領域.
所以,先了解自己能力,興趣,係比你純讀書會有用得多.
可以考慮針對行業既課程去讀,首先係行業上會優先,我是但舉個例,你去做保安,如果有讀過物業管理,已經贏左一班只有保安牌既同事,升職機會亦大,但如果你識多2句英文,我就算請你都係buy你後生多d.
而且你要衡量番時間,讀英文係要花好長時間,以你22黎計,最好係25之前選定行業,集中火力走向專業之路,反而過左30,先去補番英文呢瓣都仲可以,因為學黎就真係希望可以走向管理層之路.
2014-03-26 17:30:41 補充：
我細個都好窮,讀書都唔叻,工作都間中需要使用英文,但從來冇特別去進修英語,因為專業係凌駕於語言之上,英文基本上係"應付到"就夠,唔需要特別出眾.
如果睇番轉頭,自己亦覺得冇錯,讀唔成書就係讀唔成,但咁唔代表會一事無成,亦好彩冇浪費時間去學習自己唔擅長既領域.
所以,先了解自己能力,興趣,係比你純讀書會有用得多.
收錄日期: 2021-04-13 21:01:43
原文連結 [永久失效]:
https://hk.answers.yahoo.com/question/index?qid=20140326000051KK00037