想草錢年尾12月聖誕假前去歐洲旅行一星期,有關錢銀方面想問問

halo, 我係英國讀緊書, 希望幫到你丫=]

1) 請問各位有無歐洲邊個地方較好玩推薦?

>> 要睇下你係去邊度既, 如果你要平的話, 係東歐有好多選擇, 如budapest, prague 等等, 但係如果自己一個人去的話, 就會比較危險, 而且如果係女仔的話, 就更唔好, 所以如果去一d 治安好少少既國家 (如英國, 德國, 北歐)的話, 就會expect 貴, 所以好睇你係點既. 個人去過法國, 比利時, 德國, vienna, prague 等. 個個地方都有佢唔同既特色, 個人鐘意留係英國, 因為語言比較方便.

>> 而住同食, 以英國做例子, 一個m記都要5gbp (即~$60), 如果你揀sandwich 的話, 咁5gbp 一定有找既, 如果你係要食餐廳的話, 咁一餐$150 一定少不了的. 咁其實係好睇你想點, 想開得開心, 食得好少少既, 咁就一定會貴, 如果慳住黎玩, 日日食面包, 係會平, 但係你想唔想咁樣樣去spend 你個假期就睇你了. 就算係歐洲其他國家, 你都會expect 係差唔多價錢的.

>> 而機票果度, xmas 係一定會貴, 因為多人去旅行, 但係xmas 去歐洲未必係最好, 因為好早就天黑, 4點幾5點就黑哂, 你自己一個的話, 會危險. 而且影相都唔係太靚, 而同時, 歐洲有好多景點係winter period 都係唔開的, 呢個你都要留意

2) 有無較平既住宿推薦

>> 去booking.com 可以搵到唔同既酒店, 當然你亦可以上去gumtree 度搵, 但係去一d 3唔識7既人度住, 你自己要take 呢一個risk.

3) 如果我去一星期 預鬆d錢係咪真係要2萬多...?

>> 當你計埋機票, 來回預8千 - 1萬, 酒店/hostel當你住london, 35gbp x 6 = ~$3000, 食野$1000, transport $2000, 入場費 $1000, 買野手信等雜項 $3000, 你成個trip 預2萬真係差唔多, obviously 你仲要有一d spare cash. 所以2萬5度啦.

4) 去國外要注意咩

>> 都係比較老套既, 如唔好係街度玩手機, 因為外國好多時d人都會踩單車, 再係你身邊好快咁踩過再搶, 如果太夜就唔好自己一個人走出去, 亦avoid 自己一個係一d 暗既地方行, 有人搭傘唔好理佢地等.

希望幫到你丫, 有d咩可以再email我的=]