可能有D長,但系請大家耐心少少睇曬佢,麻煩大家>_<!!!
我系女仔(都幾似男仔),今年13歲,F.2,我有個好好既fd,除左平時返學會一齊玩之外,亦都去過佢屋企過夜,同佢一齊我覺得好開心,但系我F.1既時候系真系單純當佢系我既好朋友,但系升左F.2之後,我對佢既態度同感覺明顯唔同左。每次佢比人講,我都會好嬲,而且我會因為佢甘心改變自己,我每日小息,午息都會系佢班房門口等佢出黎,有時唔見佢我就會好擔心,雖然知道佢一定會系學校,但系都系好擔心佢,見到佢番黎之後又唔知系嬲定系開心啦,總之就系一種放心既感覺,另外,我每日都會寫一段短短地既日記,內容全部都同佢有關(姐系我對佢既心意之類既野),我試過同佢表白,果段時間我掙扎左好耐,驚同佢講左連fd都無得做,但系佢知道左之後,唔單止無嫌棄我,反而仲話無所謂,當然最後比佢拒絕左,但系直到而家,我都系好在意佢對我既睇法,而且佢講一句野可以影響我一日既心情,有時系屋企無野做,就會對住個Garena發呆,等佢上線,我甚至試過等佢兩晚無訓過,見唔到佢我就會好唔開心,有時佢系同我玩,會攬住我,仲會叫我"BB豬"同埋kiss左我條頸一下,我塊面都會即刻紅曬,而且有陣時佢扮嬲我都會好驚,之後佢話系玩我之後我真系忍唔住直接攬左落佢到,攬到好實......系發生呢件事之前呢,我就試過同一個男仔拍拖既,但系1個月都無就散左,跟住我發現我對男仔真系無feel,咁我系咪同性戀?請大家幫下我>.<!!!!
我係咪同性戀?
2014-03-24 11:30 pm
回答 (2)
2014-03-25 1:22 am
✔ 最佳答案
你才13歲...對男仔冇feel係正常...(包括所謂的拍拖...)對女仔fd有feel亦係正常...(包括攬抱錫和豬稱等)
咁唔係決定同性戀的指標...
反而你無時無刻都留意和掛住佢等等的心理是過份地失控才是問題...心理上類似叫依附性關係-意思係對某人產生一種需要維持關係才能確定自我價值的反應...有些原因可能是年幼時曾經被父母遺失(常有發生的事)或因為某些事件使潛意識需要認定一個人的關係才能相信自己會活得好...等等使潛意識中欠缺自我安全感和自我成全(能情感獨立)地面對自己。
這並不是同性戀...只可能是由於那fd接納你(由好朋友至表白也接受你)而依附的關係中使你感到需要的安全(被認同/接納/親愛)。
同性戀的也不會一定係依附性(不停掛住)，就算同性愛也會是很獨立和有自我意識的。最重要的定義或者比你所認知的情感關係和接觸要深入多，例如性接觸(不單是攬抱的感覺，而且喜歡接觸同性的性器和觸弄性器官)要跟同性互動才有興奮和衝動的快感等等你生理上才剛開始體會(例如你這階段一定不會願意或喜歡被男仔摸...但並不表示你以後也不喜歡...因為一般女生要到17-18歲才對自己的身體感覺自信和安全被別人(男性)摸...但男生卻在12-16歲之間已經開始會很想探索女生或對她們身體感觀很好奇和產生衝動。女生之間則很自然地接受大家的身體接觸，所以很易誤會自己是同性戀/喜歡女的。
pm是指你按下回答的人的名稱打開他/她的資料...在左角圖像下有一欄"寫信給他"便是pm(private message)可以私下跟這人通信...他收到回覆你亦直接在e-mail收到通知...但這通信仍只限在yahoo是平台裏...
2014-03-25 12:12 am
明顯地妳係同性戀!
pm我再傾
pm我再傾
收錄日期: 2021-04-11 20:30:53
原文連結 [永久失效]:
https://hk.answers.yahoo.com/question/index?qid=20140324000051KK00067