中3選科問題 20點!

如果你咁樣揀真係有D怪
雖然DSE 話任揀,但你而家咁樣揀哂文理商一定會後悔
到時你就會覺得有1科會搞唔掂

既然你數學同英文都OK
我建議你轉揀BAFS 計數幾岩你同埋商業部分可以同ECON相輔相成

如果你真係好想讀地理,就不如放棄物理
因為物理同地理真係兩個價值觀黎，一齊讀肯定亂。
文商同理商較正常,揀文理商遲早都係逼你DROP一科。

2014-03-19 23:19:15 補充：
睇完你另1個問題之後,
我反而有個問題想問你
你話你CHEM好差,咁你BIO 既成績係點?

講真,上到高中之後，好多時候BIO同CHEM係會有重疊既地方
即係講講下BIO會講下D formula(雖然對考試不重要)
但往往呢d就會影響你對bio既理解

如果你唔識chem,bio我亦相信你既成績亦會相對差
所以唔建議揀phy bio而唔揀chem

物理,econ可配既科(大路揀法)
bafs/ICT/chem(你話唔揀)

本人今年係中五學生。我分享我既個人經驗你知、你再考慮下點去簡。

我中3個陣簡左BAFS(企業、會計、財務概論)以及BIO(生物)。
當初我簡呢兩科、

一、生物我自己本身有興趣，不過呢一科好多野讀，我成日都要補課，功課又好多，而且又好多野背，一開頭讀基礎會有少少唔知學緊咩既感覺，不過去到中五就會明白中四學個啲既概念。係就係辛苦左Ｄ，不過鍾意既話，幾辛苦都會捱得過。

二、ＢＡＦＳ同生物雖然係大欖都扯唔埋，不過我當初既諗法係，如果生物讀唔掂就主攻ＢＡＦＳ，如果ＢＡＦＡ唔掂就主攻生物。不過咁諗其實都幾蠢下，因為好兩頭唔到岸，加上ＢＡＦＳ又係好鬼多野背既一科，所以讀起上黎就真係辛苦到你想死。不過ＢＡＦＳ呢一科，係呢幾年ＣＵＴ左好多課程，唔洗畫會計圖，而且做ＭＣ題好著數，２分題。好容易可以攞到合格只要你平時上堂留心。

最後，我有少少建議俾你。希望你依家好好咁規劃一下你既未來，例如將來打算從事既行業，未來呢幾年高中會花幾多時間去學習，有無打算入大學，定讀完中學就出社會，家庭狀況可以支援到你幾多，對邊一方面比較有興趣等等，簡個兩科最好就有關連，因為相輔相成會好讀好多，即係如果諗住簡經濟就可以簡埋ＢＡＦＳ。又或者簡生物就可以搭化學或者物理。你諗清楚好哂再去決定簡咩科。例如我將來係打算從事護理行業，所以我簡生物。

其實決定左就無得番轉頭，所以係你決定之前，一而再，再而三咁問一下自己，有無信心可以勝任，有無信心可以捱到３年。

高中生活，並唔似電視劇咁兒戲，工作量會大增，測驗考試科科都跟住黎，有時壓力會大到想放棄。不過無論點都好，捱落去，千其唔好放棄。要適當地咁抒發自己既壓力。

希望幫到你！