我鐘意一個女仔,但家境有距離

算啦,冇可能,我有過經驗阿,兄弟,勸你收手,唔知你幾歲,你廿歲以上既話就同你講呢個世界好現實,就算一齊遲早都會分手,大家經歷既野完全唔同,就算表面冇野,你個心都會有點距離,你一齊都唔會太快樂

其實我覺得家境的距離並唔系問題
問題系你自己敢唔敢比信心自己去克服
雖然而家住居屋
但系唔代表你一輩子都住居屋
他日你揾到錢果陣,
咁你就唔系草根啦~系咪?
就好似我同我bf咁,
我只系一個家境普通的女仔,
佢屋企有錢到不得了,
但系從來都冇放棄~
其實你只系覺得佢屋企好有錢,
你認為你家境比唔上佢,
or你會worry about佢屋企人知道後
會唔中意你,or話你家境比唔上佢地
但系點解唔試下拎D勇氣出嚟呢?
俗語都有話
世上無難事,只怕有心人
拎D勇氣出嚟~~
追個女仔~啦~~
又冇人話草根唔追得有錢人~系咪?^^

你鍾意呢個女仔d咩? 佢又鍾意你嗎?
除左金錢以外的因素, 你覺得大家有機會一齊嗎?

其實個人認為金錢多少, 並不是最重要,
正如一個好有錢的男仔追佢, 一個對佢好的男仔追佢, 可能佢都未必揀有錢的。
但而家個困難係在於你冇自信,
當你覺得自己「唔配」的時候....你就覺得大家冇可能一齊...
即使真係揀左你...你都唔會相信佢真係揀左你...
所以最重要係「你點睇你自己」而唔係「佢會唔會揀你」

可能呢一刻你覺得大家有距離...但世事難料...
你今日冇, 都唔代表你將來冇。佢而家屋企有錢, 都唔代表佢自己將來係搵到錢...
所以如果你真係好鍾意佢~不如先交個朋友~等大家frd d先~
到真係了解到佢的心意再表白都未遲~~
自己爭取過起碼問心無愧~~~

希望你早日搵到方向~俾d信心自己~
祝福你~

你知道問題所在,
又偏強自己所難,
為何？

租樓, 都唔會有錢左去邊啦! 你層居屋隨時值500萬!

你幻想一下總可以，妄想則不必!