他喜歡我嗎？

我係一個中二既女仔 我中意左我班一個男仔 但我唔知佢係咪中意我 ps佢系巨蟹座

我地坐埋同一行，但我坐第一排佢坐最後一排，我地中間坐左一堆女仔，個Ｄ女仔係全班最嘈最多野講，佢地成日同佢玩到hehehaha好大聲。我有時擰轉後面傳野又會見到佢好似望住我咁，但係好快佢就轉移視線。有次放學見到佢等巴士，我係隔離行過佢望左我一眼，之後行左一段路我再擰轉面，又見到佢望過來。

我地雖然同班，但可以話冇正式講過野，直到有一次，佢唔喺位度，咁岩我又喺佢個位附近，佢枱面有D文具，我一唔小心就推跌左支筆，喺周圍又搵唔到，之後我同佢say sorry話我整唔見左佢支筆，我望住佢同佢講但佢就一路無望我，佢凈系“哦”左一聲。過左幾日，我又問佢搵翻支筆未，佢凈系話“唔知呀 我唔搵啦”，好似好cool咁。

佢平時同D女仔玩都幾多野講，點解對住我好似咁cool咁既？佢係咪唔中意我？如果我想同佢熟D可以點做？