[20點]個男仔知道左我鐘意佢,唔知佢諗咩,想避我?

個男仔本身同我係同學/fd,之前成日都會整古我,玩,寸下我
(個男仔個性格比我感覺係有d小朋友,但有時諗野又好成熟)
有時同班都會一齊出黎食飯,唱k咁
但前排有d誤會,我唔理佢,跟住佢又唔理我,搞到大家冇野講
跟住我都有同佢say左sorry 佢話冇野既
但果時我發覺佢已經對我唔同左,小左搵我,
連誤會果次,佢發覺我唔so佢,黑口黑面 都只係同個另外一個女仔fd(a)講
之前成日寸,玩d小動作變左對(a)做
佢係咪鐘意個女仔(a)?

咁最近我係某交友app發左文(我對男仔個感受),比我無意中睇到(a)係whatsapp
cap左段文既圖比男仔, 咁個男仔果陣就應該知道左我鐘意佢
仲打左段野覆(a):
唔係我唔明,係我唔想理
付出不等如收成是常識吧
what can i do? love her?oh come oh
唔理佢又愁,理佢又表錯意
打得呢段野,預左佢睇到
收心養性啦,你是路人不是好人

另外佢地由上個月開始就唔知做咩行得好埋咁,(有fd話可能玩得埋,岩傾姐)
但有時(a)搵佢,個男仔都冇應佢既
就果次起 就好似更加冇野講~ 而(a)就做左代言人咁
(a)有問過男仔,做咩唔理我,佢話個男答: 搵唔到話題傾
e加佢對我好似想避又唔知點

我要點做?
我知佢係唔鐘意我既,我自作多情姐-.-我都唔想令佢難做
我只想修補呢段好似以前咁既朋友關係
有冇機會做返有傾有講既朋友?