佢想點架？？入黎幫下我啦

話說有一日我地級去左某地方到考察，老師將我地級嘅人分散哂做一組組啦，我同A（我中意佢）唔同組，果日到左目的地，活動前，因為有個老師去左買飛，班老師冇乜點理我地、任由我地挽喇傾計，我企左喺到，勁無奈，因為個組入面冇人同我挽得埋，A成日望住我，我扮唒野冇點望佢，老師叫到我地組去影張合照，A又行過黎，不過冇望住我，佢望左我好多次，其實我好想知佢個心入面諗緊乜，但係我冇勇氣問，我都唔知自己點解會中意左佢，我D fd都唔太討好佢，所以呢半年黎都冇話俾人聽我對A有好感，我成日會喺wts 狀態打啲有關暗戀嘅字句，我想佢多d留意我，不過平時喺課室我座佢付近，A都會周不時望下我，唔知佢想點。
好辛苦呀，未試過中意一個人咁耐，宜家見到面佢同我都會有少少shy，希望佢會知道我中意佢啦。