急要地球一小時熄燈活動講稿

A: 你有冇見過60+這個標誌？
圖片參考：https://earthhour.wwf.org.hk/sites/all/themes/earth_hour/images/download/Earth_Hour_Logo.jpg


B: 冇喎！係乜？A: 咁你估吓啦B: 係地球滅亡前最後一小時的電影海布。A: 你都幾聰明，見到係同地球有關，又見有一小時。不過唔係電影。再估啦。B: 60+係講科技發展點樣令我哋每日可以有多六十分鐘用。A: 你果然觀察力好強，連個加號都留意到。不過你想唔想每日有多一小時？B: 當然好啦，可以有多一粒鐘玩，又或者可以瞓多一粒鐘喎。A: 你咁聰明，你有冇諗到地球每日多一小時代表乜情況呀？B: 即時點諗到咁多，不過諗諗吓，每日多一小時會唔會即係要番多一粒鐘學？A: 係喎，你真係有遠見。冇理由比你用咗呢瞓覺呀！B: 咁我估呢個一定係超音速飛機的廣告，可以在地球任何地方一小時即達！A: 好厲害的想像力，創造超超超速的飛行記錄都算係創舉，不過唔係。B: 咁仲有乜嘢係同地球和一小時有關呀？不如你開估啦。A: 呢個係世界自然基金會每年在全世界同時舉辦熄燈一小時的活動，提醒大家要節約能源啊！B: 咁幾時熄燈呀？A: 今年係三月廿九日(星期六)晚上8:30至9:30B: 夜晚熄哂燈我怕黑喎？A: 咁又唔使驚，只要你有計劃有準備，只係喺屋企熄哂啲燈。 你可以同阿媽商量準備燭光晚餐或者出去散步都可以呀。B: 咁我可唔可以開住電視睇咪唔會黑囉！A: 咁當然係唔得啦。熄燈只係一種睇得見的代表行動，主要的意義係減少用電。所以實際上係要留意平時有冇浪費用電。當有朝一日冇哂能源時便會真正的黑哂啦！B: 你話全世界都參加，咁咪成個地球黑哂囉？A: 乜你急然變得咁豬兜呀！雖然全個地球都係同一日同一個時間熄燈，不過每個地方都係當地的8:30，就好似新年倒數咁，新西蘭和澳洲那邊會開始先，然後到亞洲的國家，再往西去中亞和中東，然後才到歐洲和非洲，最後就係南北美洲那邊。你有冇親戚係美國或者加拿大呀？記得叫埋佢哋一齊熄燈。B: 咁除咗屋企，香港有幾多地方會熄燈？A: 有好多商業機構同埋商鋪都參加咗，到時你出街便會見到邊間有支持這個活動。B: 咁佢哋到時點唔著燈點做生意呀？A: 問得好，我哋到時就去實地研究吓佢哋係點樣熄燈來支持環保啦！