有關入大學的問題

正告樓主，中學既極端小兒科課外活動對入大學絕對唔重要，以前如是，現在及將來亦如是，入大學既唯一標準係你既公開試成績是否夠料砌低所有對手。入大學試從來都係一個殺戮戰場，係當中唔係你死就係我亡，公開試成績係唯一重要既根據，那怕某君只係比你係考試中多 0.5 分，好多時已經決定左佢入到大學而你入唔到。

樓主可以唸下以下既例子，如果有一個學生十項全能，運動藝術樣樣皆精，但唯獨是讀書唔得，尤其是化學及生物科成績差，但佢又想讀醫科，你係大學敢唔敢收佢讀醫﹖ 將來呢個學生好大機會讀得一塌糊塗唔在講，如果比佢僥倖過關你仲驚，因為佢好大機會醫死人。以公開試成績作為大學入學唯一重要既標準十分合理，因為呢樣野證明左你有足夠學術能力讀得店大學課程，你其他野吹到幾天花龍鳳都無用，因為大學課程可以非常艱深，無足夠根底既同學會極快現形頂唔順。

其實入大學主要睇你HKDSE成績及面試表現(如學系睇好重面試表現或者你成績好邊緣), 除非你參加國際性比賽(如奧運、東亞運、奧數...)/AYP金銀章/SCMP Student of the year, 或者你有參加校長推薦而你面試表現係唔差而大學又肯比有條件取錄, 中學職位其實對大學來說根本不重要