有關中三選科問題(急!)

本人正面對一啲中三選科問題，求高人回答…我過兩日就要交試選表，本來一心想簡地理同视藝，点知發現兩科都係1X!?令我好苦惱…

因為我數學底子差，唔適合簡理科，而2X適合我既選擇就得番中國文学同世史，但我本來對呢兩科都冇咩興趣，而且我第時想做既工同呢兩科野好似都扯唔埋…

其實我記野麻麻，讀世史係咪冇咁好…而且真係冇太大興趣，我上次世史考到6字頭，係咪唔係讀世史既材料?
對於文学，雖然老師讚我中文好，比其他同学優勝，但自問其實我中文唔算特別好，普普通通，加上我好怕文言文，听人講讀文学作文下下千幾字，会讀死人，係咪真?同埋文学好似少人簡，被收錄既機会係咪会大啲?

仲有我想讀视藝，到底世史同视藝有關係啲，定同文学有關係啲，世史就話畫家歷史，文学就話對寫野有幫助…「会唔会係咁呀？」

另外有一个小問題，係關於BAFS(会計之類)，听講BAFS有分開兩邊，有一邊係唔洗計數，到底係唔係呢?我個班有好多人簡，個個都好輕佻話容易，而數学差既我就覺得好一般，亦有人話BAFS上到去好難，是怎樣的？數学差既我係咪好唔應該簡BAFS?

可能長左少少，抱歉…希望有人能夠盡快解答我，比一啲世史同中國文学既意見睇法我，十分十分之感激！！