我想知自己係咩類型性格既男仔，覺得自己無咩特色，想成為陽光男

我想知自己係咩類型性格既人，有咩可以改善下......
--今年17歲，高180cm，標準身型
--平時戴眼鏡就似宅男(好呆)，唔戴就MK咁(好惡)...
--勁懶，成績一般但不斷退步，依家發奮中
--識好多唔同既野(武術、觀星、結他、塔羅牌......)但樣樣都半桶水= =
--唔太中意運動，又唔太中意睇書，好enjoy坐係公園/郊野/無咩人既地方吹風，感受 下自然(但又唔會主動出街)
--不善交際，唔識同親戚/陌生人溝通，好怕同人溝通...
--有時會對自己無咩信心，容易放棄
--個性開朗樂觀，但缺少行動力
--經常都好熱血(會突然做掌上壓/跑步= =")，會向目標前進，但每次都唔維持得耐
--唔中意出風頭
--好講義氣，重友情，朋友有難必定義不容辭幫忙，當自己班朋友係一個家族(一共13個好兄弟)
--心地幾好，思想單純(所以永遠都理解唔到數學..)，好容易信人
--成日搞爛gag
--讀男校......無女性朋友......
--其實精力十足，但平時上堂/無野做就成日訓覺，俾人一種好頹廢既感覺
--對所有人都好包容(特別係女仔，我相信男人就係要包容女仔既一切)，不拘小節，無咩記性，無咩機心

總之就好矛盾，話我宅男又唔係(成日都會帶正能量俾人，開朗樂觀)，話我陽光男又唔係(唔會主動去做運動，唔夠積極，唔識同人溝通)......總之就好無特色，只係極重友情既人......
我想成為果D做事勇往直前，行動力高，外向，會主動同人傾計，運動勁個D陽光男孩!!!!