同事瀉哂啲野過黎

我地公司係5.5半長短, 但啲時間係老細編, 如果咁岩果個星期RECEPTION短, 就我/同事A是旦一個坐RECEPTION, 但如果咁岩我地2個一齊番, 老細講過一係一人坐一次, 一係就大家一齊坐, 但A好憎出COUNTER, 每次佢都好遲先蒲頭, 局我坐出黎, 秘書有同我講過坐RECEPTION係我同阿A既DUTY, 佢係恃住我好恰所以我要出聲, 初初做無幾耐A同我講星期六不嬲係我坐COUNTER, 我又唔知頭唔知路信左, 所以有好幾次撞正同阿A番而佢又好遲先蒲頭我都會坐出去而無出聲..... 有時我同秘書一齊番佢會陪我一齊坐COUNTER, 但今次第一次撞正我地3個(我, A, 秘書)一齊番星期六, 秘書話佢今次唔會陪我, 因為坐COUNTER係我同A既DUTY, 佢只係出於好心先陪我, 如佢坐左出黎好似搶野黎做咁(佢講, 本身公同階級觀念重, 分工好仔細), 因為我公司星期六都好多客會上黎攪手續, 又好多貨要收, 所以係一啲都唔清閒, 阿A係OLD SEAFOOD, 好惡, 本身我幾中意坐COUNTER, , 但果日秘書同老細都番, 比秘書講一講攪到我好似好恰先坐出去, 但一直我都無出聲同阿A傾, 變左我一向係自願, 呢件事應該點HANDLE好....

更新1:

ChuJsefa 其實要講應該一早就要講, 而家我做左OVER 1YRS, 如果唔係今次撞正大家3個一齊番, 我都覺得無乜所謂

更新2:

Chriskwan 多謝你分析。本身我都覺得秘書幾NICE, 佢平時都好照應我, 但大前提係佢無CONFLICT OF INTEREST, 佢成日話我細路女, 所以會幫我, 有一次出左啲問題, 咁岩有幾位同事得閒(連埋佢)係到幫左我忙, 佢就大大聲話”你睇下幾多人幫你”, 佢成日都好強調佢係幫緊我… 連你都睇得出佢係搬弄是非嗎?因為佢平時真係成日好開心, 笑笑口, 成日阿囡阿囡咁叫我, 我仲諗住搵到個傾得埋既人。

更新3:

其實我坐COUNTER係好OK架, 不過因為佢地個個都覺得坐COUNTER好厭惡性, (佢地唔中意對人, 唔中意多野做, 因為坐出去要學多野樣對客/攪手續), 我又唔想佢地覺得我中意坐COUNTER, 如果唔係就次次都會叫我出去(間唔中BACK-UP就得, 萬一RECEPTION放大假要我日日坐都咪話唔煩, 同埋阿A一定話不如我坐哂啦既然我咁中意) 無用架, 之前秘書又懶好心同我講話同過老細講應該編番大家分工表, 但老細一句話”呢D咁煩既野叫佢地自已分工LA”, 老細覺得如果我真係覺得唔FAIR係我同阿A講, 如果我都唔出聲咁佢有咩資格出聲, 我承應我係有啲怕阿A, 因為佢係SEAFOOD,

更新4:

唔想得罪佢, 加上我做咁耐都無出過聲, 同埋我係OK WITH COUNTER JOB, 只係今次件事有啲複雜…如果我唔出聲秘書/老細/阿A都會覺得我怕事/比阿A恰都唔出聲…

更新5:

秘書成日話我後生女, 學歷又高過A, 唔洗理佢, 話A係蝦我, 所以我一定要出聲, 我開始覺得佢似睇戲FEEL

更新6:

Utouch 其實我真係唔介意坐, 反而幾中意, 我每次坐出去都無咩大掙扎, 但阿A係全世界都知佢唔中意。我覺得矛盾既係, 我唔可以表明我好中意坐, 只係老細叫到我唔介意, 我其實無點處理啲咩, 因為我無同A講過邊個出既問題, 無講過如果你唔想咁我出LA, 而係令人覺得佢恰緊我而我默默承受, 因為所有人都認為坐出去係一個TROUBLE, 而我就啃左呢個TROUBLE(外面人想法)。

更新7:

秘書身份係局外人, 佢無權叫A出, 因為唔關佢事, 佢只係睇戲咁睇成件事, 老細亦叫我同A私下自己傾掂, 總知有人坐就得, 我覺得唔開心係好似比A恰, 我覺得自已好WEAK好懦弱, 如果我有同A溝通過, 講明我唔介意出如佢真係唔想, 咁我都覺得自己HANDLE得好, 但而家令人覺得係A唔想出所以我要出, 佢係恰我而我唔出聲。

回答 (4)