一生中最唔舒服既購物經驗,而家好煩惱

話說之前去左APM既AEON買野,跟住就順便睇下隔離個間天使化妝品

佢都係賣好多不同的化妝同護膚品, 裝修馬馬地,俾我感覺似大陸d鋪頭
行左轉,睇緊野時就有個女sales走左過尼呢,英文名c字頭。

老實講之前行過有留意過佢,
我知我咁講係好衰,但我相信唔係只得我係咁唸,就係佢個樣有d似智障。
行過時,都有幾個人望住佢,因為佢真有d奇怪,唔知點形容

講番正題,佢走左過尼之後,開頭佢無出聲,低頭(仲要好低),雙手交疊放在前
跟住佢終於出聲,聽佢講野又幾正常,個時我心唸我唸錯左佢,唔應該以貌取人
但係我一望到佢個樣,我o左嘴,個妝化得好差! 我唔係有心想評佢,但佢係誇張到
個綠色眼影完全係亂尼,唔係貼住眼尼畫,係出曬界飛起左(姐係幾乎畫左係眉骨個位。
眼線都係出曬界,飛起左
皮膚都馬馬地,毛孔有d大同塊面係黃同暗

好啦呢個其實我唔係好在意,因佢可能係因工作關係先會咁
但跟住就尼料,首先佢個口係超臭,係臭到我會想行開個隻,感覺似無刷牙既口氣再加杯coffee既味道,我係一路聽一路慢慢走開
佢問我識唔識化(我當時已化左妝),佢話要教我點化,跟住佢拿起我隻手試d化妝品,
不過我望番佢個妝真係覺得好無說服力,佢解釋產品時係對住我隻手,好似背野咁講d產品資料

我感覺好唔舒服,多謝左佢就拿拿聲走左去counter
佢又跟住尼,佢叫我試個皮膚測試,我話做過,佢就問:真係?咁你係邊到做?
好似唔信我咁,我就答sasa
另1個員工刷緊我個eps時,佢就突然拎我隻手試另1個產品,係類似去角質既野
我話唔洗,我有類似既產品, 佢就話:唔係嫁,呢個唔同嫁,佢係深層清潔
我話無興趣,佢唔理我keep住一路講,講足差唔多20-30min
我成個人好唔耐煩,好無奈咁托住頭,我都打曬眼色叫個個刷卡既人快d,但佢停低左
佢等個C字頭sales講完先同我刷
我同個C字頭講:多謝,我唸下先,我睇下網上d人點評呢個產品先
佢話:唔係wor, 佢真係清潔得好好,你而家唔保養你遲d就會成個50碎既人咁
同埋我見你好多黑頭好污糟,你仲有d暗瘡,我見而家好嚴重,係爛緊
仲有好多白頭,你再唔整就好嚴重
總之佢講到係好嚴重,係到數我皮膚有幾差,我開始火滾
因為其實我皮膚係ok,係有1個好細既暗瘡印,3粒好唔明顯的油脂粒,
無咩毛孔,顏色...即總之我皮膚其實係唔錯,身邊既人都話我皮膚好
但未講完,呢個時候就拎本圖片集,由頭開始同我講暗瘡係點形成,暗瘡我唸個個都知係點形成嫁啦,但佢愈講愈投入,停唔到

我已經好直接話我唔想買,但佢hard sell到係我唔買唔俾我走
最後我服輸了TT $900/15ml一支野 好心痛
唸住終於可以走,佢就話: 而家我地仲有個facial
我一聽到就馬上話唔洗啦唔洗啦,我語氣已經惡左
但佢又話: 唔係呀,你聽左我講先啦! 聽左我講先啦!你聽下先決定
跟住又同我講解個facial係點,又叫我買
又唔俾我走,推極都唔得
到最後我真係為左擺脫佢就買埋TT
而家唸番起 1個$785既facial 竟然而家只要$99就有交易??!!,佢話而家優惠期
平到我真有d驚, 都唔知係唔係黑店

間天使美容院就係apm上面,而家好煩唔知去唔去好><