巴士遇見她

事情: 我每日早上都係總站搭巴士返工，大約兩年左右都遇到一個女的(大約一個星期見到2-3日左右)。

我習慣坐下層同一個位置(因為唔想次次上車諗坐邊，所以坐定一個位)，而佢都習慣坐我斜對面同一個位置(舊款巴士中間隔住條走廊)，開始時我冇咩留意但近年就成日留意佢。

每次大致上，前半車程佢都係篤下電話冇咩抬起過頭，後半車程佢大都數都會收起電話閉目 或 望附近一陣(有時眼定定望向我旁邊隻窗或地下,當然焦點唔會係我)。間中會有對望出現都係對望1-2秒左右會閃開。基本上全程車我都係篤電話/望對面風景或人/訓,當然我間中會擰向左,望一望佢。

煩惱: 我想去識佢講聲早晨/傾下計，但因為見得太多次都冇打過招呼，而且唔知用咩方法好(以前落吧搵人傾閒計都冇感到咁冇力，可能因為自己見得佢太多次但都唔出聲，搞到自己個膽弱哂)。

我覺得佢都知我存在(坐對面咁耐)或者有少少留意過我(我有時都望實佢成個變態咁，冇人唔會留意變態佬掛)。當然最終都係可能係我會錯意。

我係男，絕對普通唔算年青(Age 28)，而佢年齡應該同我差唔多。

今年要搵工轉，應該會坐多依班巴士2-3個月左右。

應唔應該係唔再坐依班巴士之前去識下佢，當幫自己留個記念?
或者靜靜咁坐完依班巴士，留住依種感覺，好過嚇走人依幾個月都再見唔到?

阻大家時間睇我打咁多無聊的假設。因為依D傻事好難開口同朋友分享，所以上黎發問一下。