我有錯嗎? 20 points

上個禮拜我加入左一個論壇裡面既足球隊，大部份人都是新加入，都是支持同一支球隊，大家有共識，所以睇起來應該會不錯。

當時同球隊負責/創辦人(也是隊友) watsapp 傾左一陣，覺得佢人唔錯/友善，所以當佢話, 球隊的罰球/點球都由佢來開，對手反攻佢都唔會回防(佢踢中場卻唔回防)等等既時候，我都沒無話點，畢竟是負責/創辦人，係球隊裡囉D好處也無所謂。

但踢左第1場(贏5-3)，各自回家後，佢係 watsapp group chat 同大家講佢以後唔會再來踢，原因是

"佢知道自己太自私，囉到波唔肯傳，扭失左波了又唔回防幫手"。

佢仲厚面皮話:

"我已經很努力同自己講不能自私，但真的改唔到"

最後仲假好人話以後仲會幫我地搞球賽/約對手等等。

跟本就是要所有人跪落來拜佢求佢唔好走，然後就為所欲為。不出我所料，真是有幾個人叫佢唔好走，而佢也同意踢第二場。

好，我都算啦，我當睇唔到。


踢完第二場，佢又話以後唔來踢啦，佢係 watsapp 話佢唔中意我地由邊線進攻，話要由中場中路突破(簡單講就是要把球傳俾佢)，仲話佢今天有改善，有傳球俾隊友一次，又有防守，截球兩次。又話要我們傳球俾佢時要注意佢身邊10米以內唔可以有敵隊的人，又叫我地唔好係邊線踢高波俾佢因為佢唔想用頭等等，一大堆廢話，講到自己好似頂級聯賽既教練一樣。


最搞笑既是，最後又是果幾個人安慰佢話佢踢得唔錯，如果能改善就很好。拍馬屁洗唔洗拍得咁徹底? 當然佢又話會踢下一場....

我睇左真是無話可說，好想離開個 group。


想問下各位: 如果我離開個 group, 我有錯嗎? 我應唔應該走? 你地會唔會走? 有無遇過呢D人? 你地又點應付呢?