16歲，做野定讀書？

你本身有冇諗過將來做咩工作？
當然如果你呢一刻繼續做SALON~~可能堅持一段日子~就可以算師傅~
但你打算剪幾多年頭髮?
如果呢一刻你選擇讀書，了解多Ｄ自己的興趣及強項～
你之後的選擇可以更多～！
返學有冇心機～都要睇你想唔想讀書～
或者你自己都諗清楚～到底你想將來的路點行～
之後訂個目標比自己～～會更有動力走下行～
祝你早日搵到方向！

讀書啦 !

你自己有無d咩興趣先？你仲細，讀書會好d，但都要睇你有無心…

你試ERB : 讀行政 / 文書課程

出來做事一定要學好電腦同打字

甘得心應手

做吾做到師父都系未知數

亦未必系你真系想做工 / 行業

( 可以試做多幾份工先, 吸收多D 人生
或行業經驗 )

有心最重要
讀書只系助你掂既工具

其實，依家小香港讀到書都沒必有前途

1. 做野
2. 妳未完成中三, 好多中專課程都未得
3. 做師父
4. 係無心機, 否則以前都讀書啦

PM我再傾, 可以介紹工作給妳

首先, 想問你一樣嘢... 有冇恆心 !! 不論讀書, 工作, 沒有恆心其實就咩都唔需要講, 正式浪費時間.

你只有 16 歲, 沒有學歷, 工作經驗幾乎沒有, 其實你根本沒有選擇. 男的還可以從事體力勞動, 或遲些考個牌揸車搵食... 但女的, 就不可以了... 當然正如你所說, 可以捱幾年, 滿師之後出嚟做髮型屋師傅, 但是, 你真係可以捱 3 - 5 年嗎 ?? 這才是主要問題. 另外, 就算你已經學完師, 你的出路也只是美髮一路而已...

說實在, 叫你返中學讀書是嘥氣的, 因為你不太可能捱多 4 年至中學畢業, 否則也不需要中二退學啦... 升學有咩出路?? 大學個 d 唔講啦... VTC 其實係一條較好的出路, 你捱 2 年, 衰極都有張 cert 仔, 都叫做一個學歷, 一項技術. 起碼都可以同人講你讀完 VTC 出嚟, 而唔係中二就冇讀書...

心機睇自己而已... 如果你冇恆心, 讀書又話悶, 又怕早起身, 工作又怕冇前途... 咁咩都唔駛講, 係你自己浪費時間而已... 我唔係睇低髮型屋, 但相信你亦唔想出路只有一條吧... 趁自己還有時間, 回 VTC 頂多兩年吧...

16歲仲有時間，當然要讀書，唔讀書你仲迷網!