真係好急!!!內地未婚孩子戶口 盡量詳細

我係香港人 女朋友 海南島既
呢家已經有左幾個月
聽講過話大陸要准生證先可以生仔 計生政策一胎
佢從未生過,第一胎 未結婚 應該唔算超生嫁?
去過辦准生證 個部門話無結婚證辦唔到 仲提就算你地拎香港結婚證書黎都無用
呢邊查唔到香港身份證/香港D證書 無法律效力 整唔到准生證

我同佢未結婚,如果係大陸生左 BB係唔係會變黑戶?
我睇過佢地內地好似有咩5年一次 人口普查 可以比超生,未婚孩子 上戶口
又睇過曾經有咩案例 香港老公四川老婆(未有香港身份證)(未結婚)
生左先再去某地方檢驗DNA親子鑑定就可以罰款+上戶口

呢家結婚已經趕唔切,我睇過曬最快搞好結婚要差唔多半年,到時BB已經出左生

有冇人可以幫到我呀?又唔知道去邊到搞 又唔熟內地法律
希望人可以提供到方法比我呀 我真係會好感激你
女朋友係海南 文昌 應該要去邊到辦證?麻煩詳細少少提供地方同部門名稱
可以既話比一個具體既地址我
點樣可以唔駛令BB唔駛日後係黑戶 日後無得返學 工作
重點:
呢家方法只可以等?
1.等BB出世,好好照顧BB先 等人口普查再上?(但會唔會因為結婚先後次序問題又令呢個方法失敗左? 失敗左...咁樣會害左BB一世 我好驚)
2.等BB出世,直接去咩咩部門辦親子鑑定 直接先跟媽媽上戶口
(但係出世紙無爸爸我名,到時批過黎香港會唔會被否決? 又要等到媽媽同我結左婚4年 拎埋身份證先可以轉過黎香港?)
但係呢D方法全部都要罰款?罰幾多?各處鄉村各處例,咁大約幾多?
我上網睇過有案例去親呢D補辦戶口都要起碼罰十萬既?
我地第一胎 只係錯在未結婚 一個香港人無大陸戶口 都一樣咁貴?
(盡可能比具體資料/留低任何查詢資料)

我呢幾個已經搏命搵左好多資料嫁啦,都搵唔到 唉....我又唔想我女朋友再次擔心孩子戶口問題
我真係好想保住呢個BB呀
本來係雙胞胎 但有一個一早已經生唔成 成唔到形 剩返佢1個
雖然我搵得唔多,但係我決心無論變成點,我都想要去養起BB同我女朋友一世
我承諾咩都可以唔要,我只係想BB生落黎有戶口...一家3口健健康康咁生活
我見到老婆太擔心半夜偷偷地係角落到喊
真係心裡面好痛 無助,唔想再見到老婆果個樣.....真係好痛心
好憎我自己點解咁無用...小小野都幫唔到 又無人可以傾訴心事
但係我真係已經搵唔到方法解決啦 求你地幫下我
可以既話,有冇即時提問既地方/答到我問題既地方或電話?
(因為可能再次去辦證 完全唔太熟運作 想問清楚每一步應該點做)