BIOS 問題 10pts

所有底板都有粒鈕電，通常係2032或2025，用來儲存bios設定，及供給電rtc，即係個鐘。
大部份底板三五七年會冇電。
若冇電，第一件事係個鐘唔行，例如閂機後，開機會發覺第二日慢十幾個鐘，或者幾日，再之後就會話bios checksum error，你的電腦則話用左default settings開，按f2進入，確定係冇電。

圖片參考：http://ts3.mm.bing.net/th?id=H.4917077363787138&pid=15.1

至於你接電後即著，而唔係按掣先著機，其實呢個係bios其中一項設定，load左default令你部機同以前不同，沒有不妥。
現時atx火牛的設計，你接好火牛電源，就算未開機，其實部份已工作中，呢part叫做standby電源，其實幾嘥電，部份底板未開機連個usb都有電，所以你會見到滑鼠會著燈。而且如果你用rtc開機，lan開機等功能，都要靠standby電源。
不過，大部份人係冇用，所以係嘥電(雖然好少)，及令火牛快瓜。所以關插座好點。
買粒電10蚊左右。鴨寮街有，日x城，實x都有。

RTC 即 Real Time Clock ，為底板上記憶時間之設定，即計時器。

它需要電源，一般是鋰電池，體薄、小而耐用，這電池除監時外亦負責供電維持底板上記憶系統，使底板當開機時可以發出 BIOS 內指令去帶動其他硬件，使硬件中之記憶 (所載軟件) 發揮作用，此時你機內視窗系統及其他程式便可隨後運作，砌出一個已設定之視窗環境供你使用。

如 RTC 每於開機需重設，即電池已死，無電池連帶底板上你所入之設定亦失，要開動火牛電源，但此際你就要入 BIOS 作手動載入廠預裝之永存基本指令，機才可起動運作，協助登入視窗。

底板設計已預計各方面可能發生問題，定有後路補救，高明。

你部手提電腦入面有粒電池 (唔係指拆出黎個舊), 叫做RTC battery(BIOS記憶電池), 佢功用係令部腦記住BIOS SETTING 例如日期時間
當呢粒電池冇電, BIOS 所有SETTING都會因為冇電而無記錄, 令手提電腦每次都當係新BIOS SETTING咁開, 所以成日提你RTC RESET

呢粒電池如果你識拆開部NOTEBOOK, 會見到有粒黑色電線膠紙包住的 扁圓型鈕扣電, 只要拆開換左粒電就OK (D鈕扣電鴨記賣幾蚊一粒)

如果唔識換, 唯有拎去電腦鋪比人整, 收你一舊幾水

唔換其實都冇咩事O既.....係次次開機都會見呢句野, 同埋入WINDOWS個時間要次次都較返囉

2014-03-04 12:14:04 補充：
http://item.taobao.com/item.htm?spm=a230r.1.14.1.d9gZo5&id=36547965350
粒電池類似咁樣的

你底板電池冇電，去日?城買一粒換咗佢，換完後更正日期時間，如果唔識，就入到桌面先改，仲有，熄機無需甩插蘇。