我同佢仲有冇機會復合 ?

我同之前個女朋友拍左個半月拖就分左手 , 係佢講分手既
我地兩個係同學 , 我同佢基本上冇乜共同興趣 , 我比較文靜鐘意影相聽中文歌 ; 佢比較好動有學跆拳道鐘意聽國語歌
拍拖果陣 , 通常都係佢打比我傾電話 , whatsapp 通常都係佢叫我先
出街節目同次數都少 , 通常都係一齊食野 , 有時會陪佢去買野 , 但好多次出街我都遲到 , 佢每次都好準時到 , 反而同返學完全相反
我都知自己唔夠主動 , 但唔知點解有少少驚主動叫佢 , 驚冇乜野講會 dead air 同埋比屋企人知有拖拍又有野比我聽 , 出街搭車果陣都經常有 dead air
係朋友面前 , 可能同佢有跆拳道有關 , 成日都會踢我 , 有次佢當住好多同學面前踢我 , 我唔睬佢扮嬲佢 , 一陣之後佢都黎氹返我
呢次之後我終於忍唔住叫佢唔好咁粗魯 , 唔好成日踢我 , 佢之後真係有改善
佢成日都叫我做多啲運動 , 但我又唔太鐘意做運動 , 只係叫多左班同學一齊去打羽毛球
佢本身係一個善談既人 , 有時會同同班男同學玩得好埋 , 呢樣我唔太鐘意 , 但唔通斷佢社交網絡咩 ? 所以我冇同佢表達呢樣野
情況就係咁一直 keep 落去 , 直至到佢同我講分手果日 (其實我一早已經從一個同佢好熟既同學知道佢果日想同我講分手) , 果日我地天地堂 , 我同班同學 (包括佢) 一齊去左打桌球 , 佢唔識打桌球 , 所以要人教佢 , 我話教佢 , 佢唔比我教佢 , 最後由一個有女朋友既男同學教佢 , 個男同學我同班朋友都覺得條友好狗公 , 教果陣條友又摸手又有講有笑
我同學叫我過去教佢 , 我嬲嬲地冇去到 , 之後上堂佢就同我講分手
分手之後我先後悔之前唔珍惜呢段感情 , 有一個朋友重話如果佢係我女朋友一早飛左我
佢飛左我之後我一直灰左成個星期 , 佢都有問我啲朋友幾時可以同我再講返野 , 我地成個星期基本上冇交流
過左一兩個星期 , 佢開始同我有間接講野 , 例如我食香口膠 , 佢同我講 "你又食香口膠" ; 我同人傾電話果陣佢見到我手機殼張貼紙換左 , 佢講 " 你張貼紙換左喎 " , 但我班朋友都察覺唔到我張貼紙換左
近排佢同我有返少少眼神交流 , 又有開始踢我
佢仲約我去食野 , 不過我睇錯 number 以為係一啲唔重要既人約我 , 所以推左 , 過左一兩個字我就 call 返佢 , 佢話返左尾企唔出喇
我同班同學 (包括佢) 之前報左學校一早活動 , 個活動近排進行左 , 我同班同學同我夾埋作故仔 , 話我同一個女仔行得好埋 , 結果比我地試到佢呷醋 , 每次一講 , 佢都會黑面

我想問
1. 佢以上行為有咩意思 ?
2A. 我地仲有冇機會復合 ?
2B : 如果有 , 應該點做 ?