新年前我打電話給他, 他經常說他很忙, 不耐煩的樣子, 其實一日我都只係打過3次電話
無耐他就連電話都無聽了, 就算有聽都只是"依依唉唉"咁就收左我線了.
過左7日我再打比佢, 問佢想點, 佢話佢飲左酒唔想傾住.
又隔左7日, 我再試下啦, 佢有聽, 話比佢聽有大學收左我啦 (因為佢之前叫我讀番書,
所以未分手前靜靜雞走左去考, 諗住比個驚喜佢),
佢肯同我講幾句, 問左我關於大學D野,仲約左我出來
之後尋晚佢約左我係我屋企樓下等, 其實我早估到佢想講分手.
一開始我問佢係咪有野想同我講, 佢猶豫左一段時間, 之後攬左我一下,
叫我明天起都唔好再打比佢, 佢話大家至少要冷靜2個月, 認清楚自己想點；
佢又叫我比心機讀書, 唔好再要佢再擔心我.
我一聽完就狂喊, 叫佢唔好咁.
跟住佢繼續講: 「再一齊都無意思，拍拖唔係咁拍, 你思想仲好細個」
我都係繼續喊, 跟住連佢都喊埋
都係叫佢唔好分手, 佢都只係喊, 唔肯理我, 叫我快D返上屋企。
我上返屋企後又走返落街, 因為我太掛住佢, 去返我地岩岩錯既地方,
見到佢未走, 隻眼紅哂係度喊緊。
最後我攬多次佢就走左啦
我好無用, 今日都係忍唔住打比佢, 佢第一次唔聽, 第二次有聽.
我同佢講我想見多佢一次, 佢話可以, 我好開心,
但係長此下去唔係辦法, 點樣做先好, 我驚我再係咁, 佢連電話以後都唔聽我.
1. 我想知道佢仲鐘唔鐘意我？
2. 我可以做D咩？ 有咩方法可以挽救呢段感情？
3. 佢會唔會有第2個？
4. 如果我聽佢話, 唔打比佢2個月, 我驚真係無左佢？
麻煩您地幫下我啦!!!
更新1:
你們話我好唔好搵佢媽媽呢? 佢媽媽最近有搵我去佢家食飯,, 我同佢媽媽講我地可能會散了. 佢媽媽說我可以照上來佢地家中 (P.S. 我BF唔係同佢媽媽住.........) 但係我怕我咁樣, 會搞到我BF更加覺得我討厭.... 我好唔好過多派先上呢?? 我想我地有還可以交集的地方.... 當然, 我不會用死纏爛打既方法 只想平常心 再盡力一下........
