女友對我既關系越黎越冷淡

我同女友一齊左3個月 咁其實最初系冇咩野既
但系耐左 唔知點解覺得佢越黎越對我冷淡
成日無啦啦無我脾氣 嬲我
依家問佢一d野 佢都會覺得我煩 發我脾氣
之後問佢一d問題 其實目的系想搵個話題傾
之後佢答我 可唔可以唔好問埋d咁低能既問題 你有冇腦?
聽到呢句 我勁心痛
無論件事關唔關我事 我都會做左佢既出氣袋
就好似有時明明唔系我錯 但又無啦啦會嬲左我
上次佢上網買野 點知間野系黑店黎既 之後佢同我講話冇左幾多幾多錢
我就系咁TUM佢 話唔緊要啦 我比返錢你啊 佢就話唔要
就嬲左我 我一路TUM佢 點知佢講左一句令到我好心痛
佢講 依家我冇左件衫啊 系唔系你買返比我 不過你都唔會買到架啦
心痛到爆 但又唔可以表達出黎 因為每次我一話唔開心 發脾氣
佢就會講分手 系3個月裹面 佢講過5-6次分手 每次都系我成隻狗咁TUM返佢
佢成日話好辛苦 話我唔體諒佢 但系我想講 你每次搵我發脾氣 系邊個體諒你?
有時我會自己谷到好辛苦 自己系到喊 但系唔敢直接同女友講 驚會分手
有時我大聲左少少講野 又唔系罵佢講種 佢又會話我惡 嬲左我
有時我明明同佢講道理 佢又話我話佢 又嬲左我
差唔多每2日都嘈一次 有時真系好辛苦
我唔明 佢有時話唔開心 但系我每次TUM佢 都會變左發我脾氣 唔tum又話我唔tum佢
之後明明話唔開心 但系同其他人又玩得好開心 呢樣令我好嬲
明明話好唔開心 之後對住我就發脾氣 另一方面同其他人玩到好開心
仲有時 我有野做緊 唔可以即時回佢wts 過左3分鐘應返佢 佢又話我唔理佢 嬲左我
但系最近呢幾個星期 我wts搵佢 佢有時成20-60分鐘先理我 我同佢講 佢話佢自己都有野做 唔系成日回到我 但有次最嬲既系 明明佢見到個wts 都唔理我 我話佢見到都唔理我 佢罵返我轉頭 之後同佢講道理 之後佢話佢錯 話反省
但之後我tum佢 佢又可以發我脾氣....
仲有佢成日系我面前讚佢個補習啊sir 好靚仔
每次聽到都好心滾 每次都要系我面前提起
其實我真系想問一句 你有冇鍾意過我
如果有既話 點解要咁樣對我?
我都明白 拍拖要互相體諒 我都有做到 佢想做咩 我到就曬佢 但系佢好似都好唔滿意咁

請問我依家可以點做?
應該放手?定系點 佢都知道佢自己d脾氣 但系又唔去改
每次都話 改唔到架啦