鐘意左個女仔

其實樓上各位都講得岩架，
女仔對你衰可能直接係唔鐘意你個人，
不過你話佢曾經對你好過，
甘都代表佢唔係一開始就討厭你，
係為因為你唔理佢，
佢以為你討厭佢，
跟著就討厭你呀?

我都明白點解你唔理佢既，
因為你發現左你鐘意佢，
所以唔理佢，
一方面想等自己唔好繼續痛苦地單戀下去，
一方面又想引起佢注意?

但係好高風險架，
雖然我都聽講過忽冷忽熱會更釣引，
不過你技巧唔夠高超就會比人誤會，

如果你係暗戀人既，
就直接D啦，
多D揾佢，同佢傾計，

你都中六，過多幾個月就會機會啦，
一係直接放棄，反正E家STUDY LEAVE 都唔會見，
揾多D朋友陪你彌補反內心既空缺，

其實單戀一個人好辛苦架，
你仲要唔理佢搞到佢又唔理你，
見住自己鐘意既人討厭你，
何苦呢?

一係大膽D，一係揾第個
祝你好運

唔係每個女仔對你衰, 就代表愈在意你架 !

講開又講, 你都對人忽冷忽熱啦 !

大家鬥唔理, 點發展 ? 去邊度搵機會 ?

發現鍾意人之後, 就唔係好理佢, 咁就一定無可能 ~

其實你係咪真係中2人架 ? 矛盾到死 ...

當然有機會
但你要主動一點, 主動打開話題, 主動了解她的性格和喜好
主動約她, 精誠所致,金石為開嘛

忽冷忽熱唔係你?@@
:發現我鐘意佢之後
就唔係好理佢，之後佢又唔係好理我 <---

"女仔對你愈衰，代表佢愈在意你" 絕對唔係~~
可能會因為怕羞有時會避開你或者唔敢望你，但唔會對你衰囉~~
除非佢係"S"啦~~

不過我唔明，點解你發現自己鐘意佢，之後就唔係好理佢呢?
之後佢唔係好理你係當然既，你唔理佢，佢又點解會理你呢?
可能佢覺得你討厭佢TIM~~

佢對你忽冷忽熱?
例如呢??

機會哩樣野其實係自己製造既啫。
你咩都唔做就當然冇機會啦~~

P.S.以上只係我既意見~~