15點, 關於做人處事成日俾人誤解

所謂順得哥時失嫂意,做人好難面面俱圓的,希望在一班人之中,人人都當自己心腹好朋友係無可能的,只能夠盡量做到無人針對自己已經上上大吉了!
不過,做人亦唔需要太驚青,講乜都步步為營怕人誤會,結果船頭驚鬼,船尾驚賊,同人講野講d唔講d,反而容易惹出誤會添!
其實想搞好人際關係都唔萛難,只要懂得對人尊重同時對人有禮,友善,多d關心,體諒,自然容易受到朋友歡迎!

另一方面要留意以下兩點,
1,因為人人都喜歡受到尊重,所以無論大家幾熟稔都好,講笑爭辯都應該留有底線,唔可以令對方難下台!
2,正所謂"誰人背後無人說,哪個人前不說人",一班人聚集閒聊,總喜歡對不在場的人,或者上司,評頭品足,說長道短,這情況自己就要盡量避免參加意見,以免被搬弄是非成為代罪之人!

每個人有唔同性格,你對佢有所要求有時都要投其所好啦,如果你希望佢幫忙當然直接問人先有誠意,點能夠由別人代言呢? 而且好多說話經過覆述就會唔同原本意思的了! 既然你認為佢唔理你會無運行咁大劑,咪主動出擊同佢講你的要求啦,講出你無佢幫忙唔掂,人通常喜歡多d受讚賞,同時亦趁機會解釋上次的誤會,相信這就大家都無問題了!

簡單來說，經一事長一智。工作環境的人際關係遠比日常生活複雜，要小心處理

聽你咁講,你好留意人地既面色去判斷自己講既野有冇錯,係咪一個尊重人既行為.雖然只係一句令人覺得你唔尊重佢既說話,但就可能已經困擾你一段時間,會擔心後果,好似時時刻刻都處於恐懼之中.

想做自己,有咩意見,感受都可以直接表達出黎,但同時, 同人相處既時侯,你要考慮自己每個行為,究竟會唔會得罪身邊人,好似唔係做緊自己咁,會覺得有D困難,辛苦,係咪?
都好欣賞你,知道自己講野會容易令人誤會,都盡力去留意自己有冇講錯野,係值得欣賞既地方,只不過同時間為你帶來困擾,講咩野都要步步為營,有D辛苦.

可能大家係溝通上有困難,令你覺得人與人之間既相處,好多野都要估估下
或者你可以嘗試用其他方法同你program個阿頭相處,溝通,令大家更清楚了解對方既想法.

如果你想傾計合or傾其他野,都可以搵我地傾嫁
facebook/skype: [email protected]
whatsapp:91703714

1. 每個人都有不同的特點, 何必強求與某某人做朋友呢?
2. 你太小心, 變得事事有所顧忌, 反而令人反感
3. 小氣的人, 不受歡迎, 你不必理會他
4. 世事, 待人接物, 豈能盡如人意呢!