先略略簡介一下背景,
我而家22歲, 男朋友大我18年, 而家40歲.
我同佢既認識, 就發生於大學的課室中.
佢係我其中一科既LECTURER
本來都冇乜野, 但係差唔多完SEM既時候,
我地交換左FB, 傾傾下就出左黎食飯.出街
係學期完左之後, 我地亦都係埋左一齊.
之後既一年我都仲係校園裡生活.
每一日我都會製造機會去邂逅佢,
如果果日會見到佢既話我真係會覺得好開心好幸運
但呢一年都係最關鍵既一年, 絕對不能出任何差池!
到而家, 我同佢一齊已經年半啦,
我亦都離開左校園
可能係佢眼中, 我都只係一個咩都唔識既小妹妹
可能佢成日都覺得我出左黎做野之後我會變心,
眼光闊左就唔再鍾意佢呢個"老野" <-- 佢自己講架
所以佢就算好愛我, 一直都唔敢表現哂出黎.
佢到而家,出街都唔會拖住我
見到後生仔我地會自動彈開扮唔識
其實我到而家都對呢個行為.......... 會感到唔開心
雖然明知只係逼不得已先要咁做,
但每次同佢出街, 佢都好驚咁,
其實我都有壓力, :(
其實, 我覺得拍拖既最終點就係結婚,
我由以前第一次拍拖開始, 就已經好想同我愛既人一生一世, 白頭到老,
但今次同佢一齊,
我真係睇唔到終點.
以前細細個都幻想過25歲前結婚,
當男朋友知道左之後,
佢好直接同我講: 你同我一齊, 未必可以結婚.
當身邊既朋友知道我男朋友比我大咁多歲既時候, (但唔知我地係師生關係)
第一句都會講一句「你好快就結得婚啦」,
此時此刻,
我心裡就會泛起一種悲哀既感覺
雖然我地互相深愛著大家, 一齊既時間都會好開心好幸福
但呢種唔知幾時先有機會等到終點既感覺真係好差.
其實,
佢係咪一世都會覺得年紀、師生關係係永遠都唔能夠overcome?
難道真係一日為師, 終生為師?
佢幾時先可以抛開呢種顧慮呢............?
唉
註:雙方都未見過家長, 我媽知我同大我好多既人係埋一齊都冇乜意見(暫時)
更新1:
介意別人的眼光? 我唔認為我係, 但我男朋友就一定係 [哈哈] 我會打師生戀是因為到而家都要避男朋友學校既同事&學生 而家呢個世代, 看似開放, 但其實還是好保守 校長、老師們還是保守的 我(地)睇得開, 唔代表人地一樣咁睇 始終飯碗還是要保 我相信愛情, 但我都認為愛情真係唔係大哂 我以前都覺得只要我離開左校園就冇問題 但事實上, 都係冇分別 因為佢仍然係學校入面. 呢種情況好難講得清.. 我都不知幾想可以光明正大拖住佢行街食飯~~ 其實我好多朋友(但唔係同學)都知我同自己老師係埋一齊 佢地都好祝福我地 我而家同佢一齊既時間都真係好開心:) 只係有時...諗起要收收埋埋 就有啲唔舒服
