牙醫鑽錯牙 可以要求賠償/投訴他嗎？

媽媽因為有隻牙套鬆鬆地
唔想有食物攝入牙套入面蛀牙
所以去牙醫到整

之前媽媽係佢常客
去到講左咩問題之後
阿媽又唔清楚佢邊隻鬆(有d係植ge無乜feel掛)
個牙醫連邊隻牙有問題都無問清楚
又唔check 之前種牙植牙d record
就自己開始鑽牙
媽媽自己睇唔到佢整緊咩
但牙醫整極都整唔到覺得怪怪地
仲話要扑爛隻牙
阿媽覺得奇怪(因為隻鑽假牙唔痛)
之後照鏡發現佢無鑽到隻牙套
鑽左後面隻植牙
仲要見到入面粒縲絲

點知個牙醫當無野發生咁
求其搵o的野補左佢
連鬆個隻都無理到
阿媽走之前都唔清楚發生咩事(佢專登講到唔清唔楚)
阿媽走前問咁而家點
佢仲要話要比個半價阿媽千幾蚊整番好

明明佢錯仲要我地比錢？
明明無事的牙比佢整到咁
我可以去邊到投訴他？
牙醫失誤叫做醫療事故？定係點？

佢求求其其已經唔係第一次
我之前去補蛀牙咁簡單的事
佢都可以整唔哂就咁補d野上去
搞到我補完牙係入面再蛀過
要搵第二個牙醫整走補左個d再補一次

去cool牙時次次一個月前預約左
去到都要等成粒鐘
先可以入去整個2-3分鐘
仲見過有客話趕時間插我隊 黎到即整
(其實係咪要等咁耐？)

求解答！感激不盡！