我係男仔,F.6,17歲,有關人際關係問題困擾左我好耐...希望大家可以比d建議同意見我..
幫下我,唔該你地.
今年中六,學習生涯仲有2個月,結算返自己呢六年黎係人際上既成績,覺得自己好無用.可能自己無咩興趣,例如運動(足球,籃球),對運動無咩興趣,加上自己又唔係特別識講野,好外向,同人無話題,根本識唔到咩朋友..F1-F5都係同相同既幾個同學仔玩,我只係同佢地玩,但佢地除左我係其他班/自己班都有朋友一齊玩,我處理人際關係能力好不濟啊!
近排睇下同一級既同學仔既FB d相,我發覺原來佢地係呢5年黎有好多活動玩,自己班聚會啊,自己搞既活動,有好多朋友一齊玩,好fd等等.生活過得好多姿多彩...反觀自己,呢5年好似白過咁,朋友都唔多個,只得自己班的,對人際關係好似有心無力,想識人但係無從入手,都唔知第一步係點,人地好似唔想理自己,睇唔起自己...有時會覺得係惡性循環,我天生比較內向...之後咩都無興趣,唔想同人接觸----->無朋友---->唔開心---->變得更內向...宜家成日諗點解自己天生性格咁無用,我記得自己天生已經好細膽,細膽呢個性格好似入左骨咁...宜人地就天生外向,成日都咁玩得,之後好多人鍾意,我都唔明點解佢地無時無刻都咁開心,八面玲瓏,好似遇咩人都知點相處,我就好似一把鎖匙,得一個鎖岩位可以比我開,朋友就只得1個...
記得有最近1次有經歷令我好唔開心,係在13年10月既陸運會,由於係last day,活動完左全級都唔走住,係到玩同影相,但係無乜人搵我影相留念,我企係一邊睇佢地係到玩都唔知做咩...唔知呢次架,有親咩大活動我都好似透明咁,不受歡迎,d同學仔都唔會搵自己...想起都好唔開心...形住會有人係旁邊笑我無朋友...無好朋友...
唔好意思我個經歷好長...我的中學生涯係咪好失敗??人地既中學回憶都係美好的,我諗起都覺得好醜...
我想問我係咪好失敗...?(有關中學人際關係)
2014-02-22 8:24 am
回答 (3)
2014-02-22 7:34 pm
✔ 最佳答案
其實你可以主動d去識d朋友仔,你要主動去同佢地玩,慢慢就可以融入到,同埋思想正面d,人都會開心d,無人一開頭都系咁多fd,都系佢地自己主動去識朋友。唔好成日形住覺得人地唔想理自己,睇唔起自已咁,有D人系咁衰會笑人無朋友,但系把口生系佢地到你都無辦法,佢地講出尼都系想果個人唔開心。你要比信心自已,如果唔系人地真系會睇唔起你。我系個外向ge人,無錯系會有好多fd,但有人鍾意,亦都會有人憎。多fd未必好,例如你多左同某班人玩,另外班人又話你冷落左佢地,跟住又嗌交。你越多fd就會越多是非,系咁嫁拉,如果我介意咁多,我咪抑鬱死~.~咪由得佢地lo。凡事樂觀咁睇^^真系開心好多。唔好介意人地點諗,自已過得開心就得!
千奇唔好覺得自己好無用,每個人都有好有好唔,你慢慢揾一定揾到自已好ge地方:D加油,唔好灰心,向好果面睇^^
2014-02-23 4:55 pm
1. 擴闊生活圈子, 學校不是唯一生活!
2. 從正面角度諗其他人, 不要事懷疑別人針對你, 或不喜歡你
3. 學習多種技能, 培養更多興趣, 接觸更多朋友
4. 與家人商討, 你在學校裡遇見的問題, 探討方法去解決
2. 從正面角度諗其他人, 不要事懷疑別人針對你, 或不喜歡你
3. 學習多種技能, 培養更多興趣, 接觸更多朋友
4. 與家人商討, 你在學校裡遇見的問題, 探討方法去解決
2014-02-23 3:05 am
唉...讀中學係咁架啦...冇話d咩...捱過左就冇野架喇
收錄日期: 2021-04-20 14:56:37
原文連結 [永久失效]:
https://hk.answers.yahoo.com/question/index?qid=20140222000051KK00002