想自殺的人看得多死亡是否會改變主意？(10點!!)

睇得多死亡會唔會改變主意唔自殺就唔知, 但係...睇黎係一定無用囉!!!

只有與生俱來就已經百病纏身, 經常生存係鬼門關邊緣既人先會真正明白到自己要係人生完結之前要將自己活得最精彩最無憾呢個道理

但當然正常人唔會無啦啦百病纏身啦, 所以就要睇係咩事喇, 有唔開心既事, 盡量多D關心佢, 聽佢講心事, 甚至同佢一齊解決問題...


好多人會話用說話鼓勵對方同埋令對方知道人生只能活一次既道理, 但我個人係唔建議咁做既!!!

以下(括號)為想自殺者既心理

1.) 因為一個自殺念頭重既人最想要既係解放自己, 釋放壓力, 所以需要有人去明白同分擔佢地所承受既壓力, 而唔係想人地去鼓勵佢地, 鼓勵佢地有可能只會令佢地既自尊心同信心更加受損, 因為鼓勵, 類似加油既說話, 佢地可能仲會覺得壓力仲大左 (我諗住自殺, 你走埋黎叫我加油企返起身繼續生存落去!? 我都已經咁大壓力咯, 你覺得我仲有力撐返自己起身咩!? 哎! 我都係死左佢好過喇, 唔洗煩!)

2.) 更加唔係想聽人地同佢地講死左無得再復活呢D說話, 因為呢D說話對於一個想自殺既人黎講, 除左得個煩字之外, 對佢地可以話係完全無功效 (我自殺係因為我唔想面對呢個世界好多唔開心既野, 咁梗係諗住人無得復活先自殺架啦, 如果我自殺可以復活, 咪姐係又要面對呢個世界? 咁我自殺黎做乜?)

我唔係專家, 只係由細就好鐘意研究哲學, 樓主睇下岩唔岩用啦 :")

2014-02-20 10:50:28 補充：
補充多一點 (比較哲學既角度), 可以解釋到點解睇得多發生係自己眼前既死亡, 對一個想自殺既人黎講係無效!

人與生俱來就夾雜住自我既特質, 或多或少總會有, 所以人普遍係會睇重自己既事而將人地既事睇得無咁重。 咁姐係話, 即使一個人親眼見到過好多死亡, 好多人都會表現出同情, 但未必會將人地既死亡睇得重過自己所承受既不幸, 因為自己既不幸係親身經歷, 人地既死亡並非親身體驗, 只係親眼目睹, 所以並唔會身同感受

2014-02-20 10:55:44 補充：
一個普通人都尚且唔會將人地既死亡睇得同自己既遭遇平等, 更何況係一個本身已經有自殺念頭既人呢? 見到人地既死亡, 有可能會帶到「要珍惜生命」既字眼俾想自殺者, 但係同想自殺者因親身遭遇過既不幸同壓力而作出想自殺既決定, 係兩件事黎, 如果想自殺者不幸既際遇係大過佢所能承受既範圍, 就算佢睇幾多人地既死亡, 都無礙於佢準備自殺既決定

所以要幫佢, 最正確既方法係先要搵出佢想自殺既根源

唔係。
自殺只係一時既衝動。
試想吓，自殺即係放棄一切。當時人覺得自己冇哂價值或希望，但係又諗唔到生命其實好寶貴，而且唔局限喺某一個時間、人群、物質。縱然咩都無哂，重新來過，去另一個地方生活，都可以找到另一個自己的故事。

未必, 每個人思想不同, 看得多, 可能會加強自殺的念頭, 這麼多人也自殺, 而且成功, 自己也不用怕, 別人可以, 自己也可以拿出勇氣來, 想不想自殺, 是那個人有沒有活不下去的原因.

看見死亡事件發生只會覺得這方式太慘，選擇比較舒服的方式，是否打消自殺念頭，問號，ㄧ定是心理有個結過不去吧

睇下關唔關自事，事不關己，己不勞心，否則好難講，人係感情動物，亦是意氣動物，當失控時，什麼都可以做﹗

影響一個人嘅心理有好多方面, 當事人自己性格, 身邊人嘅影響, 環境因素等等, 而最有效嘅方法應該係搵出佢因咩要睇唔開~~如果唔知原因, 就算比佢睇多d某一種事/物, 佢都未必有心聽.

比佢睇多d死亡 li個方法自己覺得太偏激, 唔會建議為解決辦法之一, 等等touch wood講句, 佢心諗住咁多人陪都唔驚啦, 咁就大wok啦~~始終人心話變就變, 正負面只係一線之差……, 與其比佢睇多d死亡, 不如陪佢多d同以正面方法同佢生活, 我諗咁樣一來安全保險d, 2來好說話大家都中意聽, 應該可以慢慢改善到佢心態.

身邊有聽過朋友睇唔開, 我都開解過唔少人 (以一個朋友身份), 佢係咪因為我而改變主意我唔知, 不過至少我都盡左力去幫佢, 我就開心啦^^ 始終都係一條人命, 亂來都唔可以咁過火嫁嗎~

自己唔係專家, 只係少少想法, 唔好睇唔開呀, 人生只得一次….
再而冇哀野發生點樣凸顯li個咁美麗嘅世界呢~~