關於中三選科的問題

你好，我都是讀新學制下的高中，也是今屆DSE考生(同樣讀緊Band2中學，修讀兩個理科)，以下我嘗試用自己的經驗及所知解答你的問題......

1）我中文普通,英文同數學接近80分,生物70幾分,chem同phy普通入醫科得吾得？
其實初中成績唔可以反映到D咩，因為初中課程唔係完全針對公開考試，要睇返高中成績是怎樣，可能你上到高中chem同phy都好勁呢，不過始終DSE成績最重要同最可以反映你入唔入到醫科，所以你依家唔好諗咁遠住，不如諗下點樣安排高中讀書生活讀好幾科增加入醫科機會仲好，而且你講的普通每個人的標準都唔同，好難答到你入醫科得唔得
2）我學校可以揀2科,3科或3科加M2,我想揀chem＋bio＋經濟＋M2或chem＋bio＋phy＋M2,邊項入醫機會大D？
我當然強烈建議你揀後者(即chem＋bio＋phy＋M2)，今年2013 DSE最新收生要求港大醫科指明要修chem，中大醫科指明chem同bio同M1/M2優先，所以依三科你必須要揀同讀，至於phy雖然佢無講，但通常讀得醫科的都是讀哂三個理科，因為依三科好有關聯，當你讀上去就知，有D知識係可以互相補足，相輔相成，甚至有時會有D重複，所以讀的時候會更容易理解吸收消化，事半功倍
3)吾揀M2同Phy對入醫科有冇影響？
其實上面答咗，唔讀M2都符，不過無得優先，唔讀phy對入醫科唔大問題，但只係好似上面咁講，有利你上到高中的時候唔洗讀得咁辛苦，更加得心應手
4）報D課程例如air cadet對入醫科大吾大幫助？
首先我想講air cadet係香港的一個制服團隊，唔係一個課程，咁究竟你係想報課程定想參加制服團隊呢？如果係報課程，要睇下你係報咩課程，當然我建議果D課程係對你將來入醫科的志願有幫助先報啦，否則你報嚟做咩，浪費時間同金錢，除非你好得閒純粹當係一個消閒娛樂活動或者你真係對果樣嘢好有興趣，所以你唔應該問報甚麼甚麼課程對入醫科大唔大幫助，而係想入醫科應該報咩課程，我建議你去學校出面報D急救課程去增加自己醫療救護方面的知識同處理技巧，可以留意下D社區中心或醫療機構(如紅十字會、醫療輔助隊)有時都會舉辦相關課程，至於如果係制服團隊，我好肯定air cadet對入醫科幾乎無幫助，因為講真我曾經都係air cadet隊員(雖然依家退咗團)，air cadet主要係培養航空知識，雖然裡面有時都有first aid course，但唔係重點，我強烈建議你寧願參加其他制服團隊，例如St.John(即聖約翰救傷隊)、紅十字會、醫療輔助隊，依D就真係成日好多急救訓練，另外如果話課程定制服團隊幫助大D。我會覺得係制服團隊，雖然你要預咗入到去要捱得辛苦，D訓練好痛苦(我噝air cadet都經歷唔少)，但真係會學到好多嘢，尤其如果你參加上面St.John或Red Cross果D有好多模擬實習或不同類型的大型活動，但課程多數時間都係坐在課室上堂，而且堂數有限，制服團隊可以豐富你的高中生活同OLE Profile
5）其實入醫科DSE要咩成績先收？
其實你應該都知醫科向來都超高，尤其對於我們這些只是Band2的學生而言簡直...所以我善意奉勸你要有放棄依個志願的心理準備，就好似我上面一開始所講，你初中全級十幾名唔代表高中都係如此，畢竟我明白初中都係比較天真(係正常的我當年都係咁)，到咗高中就要面對公開試就會開始見識到依個殘酷現實，姑果要入醫科，又係根據2013 DSE最新收生要求，中大要英文最少level 4，數乎同通識最少level 3，港大要英文最少level 4，chem最少level 3，不過依個只係最低要求，就好似四倘主科要3322，依家全世界都知3322入唔到大學，比個實際少少的Jupas2013年新生入學成績你睇(睇完可見醫科收生成績~幾高~)：中大醫學[以下數字順序分別係中英數通識M1/M2選修X1X2X3的等級]上四份位數555**5**5*5**5*5*中位數(這個沒有M1/M2)5**55**4 - - 5**5*5*下四分位數55*5**55*5*5*5*港大醫學[以下數字不分科目次序]最佳5科成績總分上四分位數=34中位數=33下四分位數=32最低=31即最少要5**5*5*5*5*如果用4個主科+最佳2個選修科計，上四分位=39中位蜈=38下四分位=37最低=36即最少要5*5*5*5*5*5*，所以建議你認真考慮，以免期望過高希望愈大失望愈大

以上純屬個人經驗及淺見，希望對你有幫助啦，祝福你選科成功，大學能入讀心儀學系，加油！！

醫科收分天咁高 幾乎全A (舊制AL) phy chem bio
只係讀band2中學既你 真係唔好抱太大希望
而且讀醫好辛苦 背到你癲 又血淋淋 你真係頂得順? 親手劏過活雞未呀?

Anyway,
升F.4建議揀理科(尤其係男仔, 數理邏輯天生好, 易拎高分嬴女仔)
讀Phy + M2 (即舊制pure math) 就可以揀曬大學所有工程系科(收分低 做水泡)
無讀既話就無乜水泡剩 得番applied science (社工) 之類 收分低
其餘科全部收分相約高

3年之後
你就會明白 全港比你聰明勤力既學生多的是
拉curve會令你既grade低得好緊要
入到大學 先係最重要
讀唔讀到醫科 根本無咩所謂

本人係過來人，亦讀過有關職業取向既課程。本人終結自己所學，同自己既經驗，發現興趣其實唔係最重要。最重要既係由能力-->成功感-->成就-->金錢。