男生暗戀女生

對唔住，大段左小小

話說，我今年中二，我讀個間中學有附屬小學，我係附屬小學升上黎，我個班係中一的時候來左個男新生（A），起初我唔識A，無同過佢傾計，後來老師調左A坐我隔離，開始熟落，日日都whatsapp，D人就係咁開始傳我同A有野，但當時我同佢都只係一心想做朋友，所以無理到D同學講ge野，但到左下學期，我地越黎越Friend，我地whatsapp ge 對話由只係講普通野變到乜都講，例如佢肚痛，我黎Ｍ都講一餐，老師都覺得我地有野，因為自從A同左我坐之後，老師覺得我跟緊左佢Ｄ功課，同幫佢溫書，令到佢Ｄ成績好左，而我地咁arm又想同對方坐，所以老師就要我永遠都同A坐。暑假期間，佢幾乎每日都問我去左邊道挽，盡可能出街搵我，而且我地暑假開始晚晚等雙方父母訓左之後facetime,差唔多晚晚都講通宵，而我亦係呢段期間愛上左佢。到左開學之後，佢話D同學成日咁抽我地水（話我同佢有野）係無止境，所以佢提議不如我地係同學面前認拍拖，等D同學講下講下，就會唔想再講，我梗係立即答應啦，但認左之後，佢竟然係無人ge時候叫我做my girl,又係whatsapp send D 好多”吹心”ge edmoji 俾我,其實到左後來已經無乜人抽我地水，但佢唔知點解仍然對我咁好，但對其他女仔就勁衰，例如天氣凍，我其實好凍，我無講出黎，但佢竟然知我凍，好gentleman咁除左件褸挨凍，然後將件褸答落我膊頭度；我考試失準，我傷心到喊，佢會係我隔離安慰我，俾tissue我，肯借個膊頭俾我挨;我叫佢做野，小至幫我交功課，大至對住全班大嗌我係白痴，佢都肯做；夜晚訓唔著，佢會唱歌哄我訓；我俾人蝦，佢會同我教訓佢；我心情唔好，佢話“你將所以怨恨發洩係我身上啦，大力Ｄ打落黎啦“。到左今年，佢甚至叫我上佢屋企食飯，我一共上過兩次，一次無其他人係屋企（唔好諗錯野-_-,只係上去挽）,一次就係佢父母都係度。但我仲記得上年我問過佢，如果有人中意佢，佢會唔會拍拖，佢話宜家只會同部電腦拍拖，但今年我就冇問過佢咁ge問題。

問題係：
1)究竟A係咪中意我？（係ge請答第二題，唔係ge請答第三題）
2)我地有冇可能做情侶?
3)如果佢唔係中意我，咁我地呢D叫咩關係？

請各位幫幫手