B2P 去深圳灣口岸

1. 深圳灣口岸實施「一地兩檢」, 「一地」指深圳市境內, 「兩檢」指香港同大陸既海關. 即係巴士會直接駛入深圳市境內, 落車之後過完香港海關, 可以直接行去過大陸海關, 之後可以轉深圳公交/的士等, 同皇崗口岸「兩地兩檢」模式唔同.
2. 深圳灣口岸附近無任何地鐵站, 出關之後乘搭90路公交到「世界之窗」站落 (第5個站), 到附近世界之窗地鐵站乘搭深圳地鐵羅寶線 (羅湖方向) 到羅湖 (第14個站), 羅湖係羅寶線既終點站. 90路公交票價人民幣2元, 大約20分鐘, 地鐵票價人民幣5元, 預計時間30分鐘.

其實如果由天水圍去羅湖, 就算唔想喺羅湖「打蛇餅」, 經深圳灣過關根本唔直接, 可以選擇喺福田口岸過關,
天水圍站/天耀/天湖/天慈: 先坐九巴B1到總站 (落馬洲鐵路站) 落,
天水圍市中心/天華/頌富/天瑞: 搭小巴77號到落馬洲總站落, 到總站對面馬路轉小巴75號到落馬洲站總站,
天富/天恩/天恆/濕地公園/嘉湖山莊美湖居/景湖居: 搭九巴276B到落馬洲總站落, 過對面馬路轉小巴75號到落馬洲站總站,
落馬洲站附近係福田口岸, 過關之後可以乘搭深圳地鐵龍華線 (清湖方向) 搭兩個站去會展中心站, 轉乘羅寶線 (羅湖方向) 搭7個站到羅湖. 地鐵票價人民幣4元, 預計時間25分鐘.

如果想直接到羅湖口岸, 可以乘坐:
天恆/天逸/頌富/天瑞/天耀/天水圍站: 乘搭九巴276A,
天富/天恩/天恆/濕地公園/嘉湖山莊美湖居/景湖居: 九巴276B,
嘉湖山莊樂湖居/景湖居/美湖居: 嘉湖山莊村巴NR902 (全日服務, 任何人士可以乘搭, 車費/班次比276B平/密)
以上路線到上水鐵路站落, 轉乘火車到羅湖, 落車之後過完中/港關就係大陸既羅湖.