想問銅喉水壓降低有幾多種原因呢

1 bar = 14.5 psi
供水銅喉一般最大承受水壓係125psi。
水壓分兩種，靜態壓力(static pressure)，即水不流動時的壓力；動態壓力(dynamic pressure)，即水流動緊時的壓力。
通常"動態壓力"比"靜態壓力"低很多，有機會低20-30psi或更多。 通常我地講緊o既水壓(同量度o既水壓)，就係指"靜態壓力"。
屋內的水壓好少會被刻意加壓，除非近頂樓的單位水壓不夠。
水壓通常係高層單位低、低層單位高。 理論上，淡水的水壓係每10呎(即約一層樓高度)約+/- 4.5psi。 e.g. 7樓的水壓會大過8樓的水壓約4.5psi。 同一層各個單位的水壓大致相同。
我度過好多不同地方的水壓，有D地下、1/F會高至110psi；有D近頂樓會低至25-30psi。 如果發現單位的水壓大過90psi，我就建議加番個減壓制(或叫穩壓制)，特別係裝了塑膠濾殼的話。 原因係水錘(water hammer)的發生可能會令水壓短時間內超過125psi，引致爆殼。 減壓制通常有預設最高水壓(e.g.60psi)。
因水壓高或波動而引致的漏水好少發生在銅喉身上，通常係接駁位做得不好而漏水，這當然是case by case喇。
講o左咁耐，究竟你o個單位發生乜事? 能講單位在幾樓、楝大廈幾多層高嗎? 這用來估計水壓。 如無記錯、街喉的水壓應不超過150psi。

銅喉管身冇可能漏，滴水一定係駁口，如鍚焊就可能爆焊，有牙就係鬆左或其他問題。水壓不單不同單位不同，而且各龍頭時開時閂都影響水壓。若少少水壓變化都會滴水，咁所有銅喉都要滴。

銅喉滴水唔使審都係爆焊口，你個師傅講乜無法理解。