有咩會令到一個男仔突然避開你?

佢唔係肉食男.

我係過來人.

得三個可能性.
1. 識左第個
2. 隔一個月冇見面好容易生疏+冇feel
3. 1+2

所以番左黎唔想俾你知, 唔想/唔知點面對你. 唔覆你message, 唔想繼續同你糾纏落去.

解決辦法有兩個.
1.面對面解決 (直接問佢點解唔show你, 同佢講佢咁對你你好唔開心 *千萬不要嬲問* or 直接嘴佢 or both) 可能有得marn
2. 放手

2014-02-24 16:12:44 補充：
真絕情 :(
你真係想搵佢既話你知唔知係邊可以等到佢? Like屋企門口最好 or 靜d既place (夜晚好d)
當口當面坦坦白白講晒你要講既野, 嘴x佢.
直接 直接 and直接
不成功便成仁.
還掂失敗左佢對你都會同依家一樣, 冇損失.
If你覺得屎就屎, 試過先對得住自己, 咁你就衝啦.
世事無絕對. 我呢邊好好彩成功左.
你成唔成功唔敢包. 最緊要坦誠, 問心無愧

不過你要知道失敗既話你會好hurt :(

所以呢... 你諗清楚, 諗到清清楚楚你係咪真係好想同佢一齊, 呢個人到底值唔值得你愛, 佢今次既行為有冇令你對佢認識更深, 到底佢仲適唔適合你.

2014-02-24 16:37:41 補充：
但如果你怕瘀, 又預左冇得marn, 又想知到答案, 你就send段msg比佢, 都係戈句啦, 坦坦白白講晒你要講既野.
電話msg好d, 佢肯定會睇. 最好唔好whatsapp/fb msg, 佢會怕"seen"所以唔敢睇.
多數都會覆番你, 多數答案都係SORRY呀~@%#&$=失敗
1. 講廢話 (sorry+ "你係好女仔", "you'll find a better person")
2. 講真話 (explain發生咩事 + sorry)
3. 從此消失

如果全部都唔想做就你即刻消失咪搵佢喇.
好大機會隔1-2個月佢問你近況, 有可能+埋 2. tim

2014-02-25 23:11:56 補充：
Hmm.... 咁真係好難三口六面講清楚bor. 我share都冇用. 佢肯出黎先得. 就算你隔多幾多個星期問佢都會覺得你煩架喇. 我啱啱睇多次你個story, 你依家唯一可以做既靜係send個message俾佢搏一搏, 等佢覆 or call你. 寫得可憐d 問whywhywhy等佢覺得你覺得佢玩你, 虧欠左你, 搞到佢覺得sorry覺得內疚. 如果佢知衰, 遲d有機會約佢出黎or向從頭開始, 佢都容易有番feel or赴約. (不過如果佢連內疚都唔內疚既話, 我覺得你真係唔好再晒時間係佢到lu...)
Haha打左d類似咁既野, 睇你啱唔啱駛~

2014-02-25 23:13:28 補充：
"XXX, 自從你番左香港之後我一路都好掛住你. 我知道你一開始都有掛住我, 如果唔係你都唔會特登落lobby借wifi同我傾計(等等). 我每日都好想你快d番黎可以快d見到你, 但係你之後就少左揾我, 到到你番左黎都冇話俾我聽.
我唔知點解, 不過我唔理, 我靜係知道我想見你. 但係每次我揾你你都唔點唔覆我. 我知道你唔係忙, 你係覺得我煩, 但係我唔知點解. 我每一日都係到諗點解.我地之前明明好地地,係咪我做左d咩令到你唔想再同我有任何關係, 定係其實你之前只係搵我黎打發時間, 我真係唔知. 呢兩個月我都好唔開心, 我唔知發生咩事.

2014-02-25 23:29:58 補充：
我好想你當面同我講清楚. 不過我知你唔想面對我.. 但我希望你至少可以*打一次俾我, 係電話到同我講, *話俾我聽點解你突然咁樣對我. 點解你唔再理我.
我想見你, 可以嗎?"

**可加可減 :P


Hmm... 類似啦
佢會覆你既. 1day - 2 months不等... 睇佢要諗幾耐.
如果佢真係唔覆, 我覺得佢太冇人性喇, 放手啦. (除非佢有好特別既特別原因..)

2014-02-28 22:48:41 補充：
祝你好運la :P
我係做衰人果個, 所以我知道仲識得內疚既人至少會覆番你, 非常內疚既人會肯同你見面, 同你坦白. :(
我1-3weeks內覆啦你當, 唔會人間蒸發咁不負責任既.

2014-03-01 21:48:44 補充：
未搞清楚自己想點, 唔想匆匆忙忙覆你. 諗緊點樣解釋點解自己唔理你, 玩失蹤, 講咩藉口好, 唔想面對/接受自己做過既事, 想拖延, 矛盾, 理你驚俾希望你, 唔理你又過唔到自己. 開頭應該講咩, 仲同唔同佢1齊, 諗之前見面d野, 睇之前d message, 之前幾開心, 慚愧, 內疚, 都唔知點收科, 應該講咩好, 如果佢覆番我我要答咩, 佢會覆我咩, 如果去問我???咁我要講咩, 哎呀好煩啊唔想打...

呢d諗法可以重複好多好多日. 有人1開始就唔打算覆, 有人拖拖吓當冇左件事, 有人諗好就覆, 有人未諗好就覆. You never know :(

2014-03-02 13:15:07 補充：
灰都冇用, 如果佢唔珍惜你, 你就無謂再留戀, 佢唔係你杯茶 :(

2014-03-02 13:22:38 補充：
好似答多幾隻仔都唔得 :P 想唔想pm?

2014-03-02 15:40:20 補充：
字*

click my name, click "寫信給他" :P

唔厚臉皮都厚左啦 不如試下去佢屋企搵佢啦 再睇下佢有咩反應
問下佢原因 點解唔搵你又唔同你見面 如果佢好冷淡就收手放手
搵下一個男人啦

最壞既情況係佢有第二個女人
就算有都唔出奇.亦都唔係佢既錯
因為你地正確黎講冇「開始」過 , 由頭到尾佢都冇話要同你拍拖= =點解妳唔問清楚佢到底鐘唔鐘意妳......

至於其他原因唔係話冇既......
男人都有分2種
1種係可以一心二用既男人
即係可以一邊同你傾計,一邊做野既人
但係第2種就係唔可以一心二用既男人
故名思義.佢一係就做野,一係就同你傾計 , 兩者選一
如果佢唔係有第二個女人既話就有可能
佢真係好忙,冇時間回復妳,或者妳會問「唔通真係忙到連回應一下都冇時間咩?」
咁話唔定佢忙到連休息時間都唔夠呢......嘛 , 往好方面想。

但係我諗妳都係有心理準備會好D , 始終你地真係冇開始過。

2014-02-23 19:49:05 補充：
加油喇......為你送上一句我很喜歡的人生金句。
「不屬於你的即使留也留不住，
但屬於你的早晚會回來。」
因此,假如他真的喜歡你的話請不要擔心
因為「他」總會回來。

做女仔、千期唔好送上門、既然他已經要到錫你嘴這一步、你避開他不想他錫係正常的、但相反他不勉強你、這是因為他已經知道、你並不是他心想的、那麼快便可以到手的女仔、所以他就不再浪費時間在你的身上、你都會說啦、兩個城市、一來一回、真的不用時間、出來就只是吃吃飯、拖拖手、還有沒有這麼浪漫的愛情？不要給自已欺騙自已那麼多藉口、現今要聯系、花幾十元買一張儲值咭、一個月wi-fi無限用、如果一個係真正愛你的人、無論係怎樣也都會想辦法和你聯系、而不是你說的這樣、喜歡就聯系一下、或者他身邊有其他女人、不方便和你聯系吧、這個男人對你的不是愛、只是一種佔有、假若再出來的時候、他再錫你嘴、而你這次就範了、那就證明他這樣對你、是可行的、因為他已經知道、你已經喜歡了他、難聽的說一句、你已經逃不出他的手指、你再想想、如果他下一步係想身體接觸、那麼你又避開他、唔比佢摸、咁佢一樣會像現在這樣對你、等你日思夜想、間中又聯系一下你、等你不會那麼容易忘記他、明白嗎？這是一種手段、難道過一段時間你又就範了、給他任摸？好啦、最後男人想要得到的、就是上床、那這次你又說太快了、接受不了、那麼他一樣會用之前的辦法、或者想其他辦法、要你去不停的想著他、直至達到他的目的、女孩子就是這樣、當跌入了愛河、理智便完全失去、嘴錫過了、身體摸過了、就是最後到上床這一步、可能到時你又會騙自已、他是真的愛我的、獻身就獻身吧、用身體來綁著他、這是可以的、因為男人要玩厭一個女人、總會花點時間去陪你玩的、因為你給他身體、但之後不用我說、當真的玩厭了你便會知道是什麼結果、總結：回頭你就將會錯得徹底。
這個男人玩的是手段、不是愛。自已好好想想吧。再見、祝你幸福快樂。

可能一:應該係佢想錫你嘴,但係你縮開,其實呢個位男囝系會好尷尬,之後會吾知點面對你!所以先生疏左咁多.你可以同佢講返你當時只係未準備好姐,
可能二:佢只係玩玩下,食吾到就走!
打個電話比佢同佢講清楚!

原因當肉食男遇上草食女,兩種不同的生物。