耳珠有粒野

我都唔係好清楚，希望有其他人答到你，我都想知醫學解釋。

我提一下我自己的經驗，我試過1次、我弟弟試過2次、我媽媽試過1次，
都耳珠入面有粒硬野，好似石仔咁(當然冇咁硬)，但大力按就好痛，
有時耳珠好似腫腫地。

我覺得似係暗瘡，類似石頭瘡個種，但唔會出膿，最多腫痛紅，
晚晚擦獅子油，2~3星期後就唔痛唔紅，但睇落去都有點脹大。
過幾個星期就冇再留意，唔上心的話半年後就冇。
但都試過1年後再出一次。
我「懷疑」係夜訓+食熱氣野多太耐，
「覺得」同出暗瘡的常見成日成因差唔多，
都係發炎之類。

但冇睇過醫生，你可以試下等其他人回答/去睇醫生時順便問下，
好似唔影響聽力，唔會留印。
不過你指的硬物係耳珠入面先係咁。

我阿媽最近耳仔後面附近生左粒加不明瘡，
過左幾個星期冇發炎但依然有紫紅色突出物，
好似冇「謝」到，
所以最好都係去睇醫生。知道原因可以寫低意見分享，幫助大家。

會唔會係暗瘡? 或, 開頭係油脂粒, 之後變暗瘡, 耳珠/耳仔入面都會生暗瘡, 你可以試吓自己唧咗佢, 事前事後消毒就冇問題, 如果係粉瘤, 有啲都可以唧咗去, 我有朋友都試過粉瘤自己唧, 但要分好多次唧, 視乎大細, 或去診所搵醫生搞掂佢, 但粉瘤清除(醫生/自己)後, 都有機會再生番, 有啲暗瘡冇唧, 耐咗會變粉瘤, 你唔使擔心, 試吓自己搞吓先, 就係唧暗瘡咁, 唔得先睇醫生.

你完全唔算嚴重, 有啲人全身都有, 生到一嚿嚿, 手術割完再生番, 永遠係咁.