✔ 最佳答案
呢個問題好複雜喔。
以下我稱「被教導」為「被訓話」。
首先，要分做幾個層面去講，
1)被訓話者的自省程度;
2)訓話者跟被訓話者的關係，
包括訓話者的親疏/輩份，
也包括被訓話者的親疏/輩份，
3)被訓話者的自尊，
或者我地可以講叫做自傲/自大/傲慢;
包括訓話者的地位/經驗/階級/學識，
也括被訓話者的地位/經驗/階級/學識，
4)被訓者的惰性。
------
解析:
1)一個自小被教導要從善如流、知錯能改的人，如果相信這是對的，
就會無論對方是什麼人:貧賤富貴，上至老師，下至乞衣，只要有道理的，
都應該聽。但你要明白，因為基因大多天生自私勢利，加上人們在後天的挫折，
令人明白到有道理的事未必要做，做左/改變而令到對人好，是否等於
對自己好?
勢利的右腦和過去失敗的經驗令到我地唔想損失太多，無所得，
何以要幫人，何以要幫人免費耕田?
自己尋思:
"我聽你話或信你去改變自己，最後係為你定為我自己?其實對我自己影響唔大，
但就辛苦左，得益的都係你。"
(你可以話做人唔可以咁目光短淺，但人就係懶過條蟲，蛇王十八多的是，
人多多白痴，有好多人唔介意停滯不前，我想你知人生60-80年，明白人生
除左行住坐卧、吃喝拉撒睡的人並不多。人就是不願改變，喜愛練精學懶。)
2014-02-16 23:26:08 補充：
2)訓話者跟被訓話者的關係，
人同人關係愈近，就愈信任大家，就愈易聽對方話。
但有時都有上下之分，睇下過去係邊個聽邊個訓話多。
例如仔仔聽媽媽，但媽媽唔聽仔仔話咁。(雖然反過來的都有少數)
先以自己為中心畫次數個同心圓，
家人通常都近中心，其次是朋友，最後是不熟的。
難聽D講，對唔住，我地叫完全唔熟或冇興趣的做「阿豬阿狗」。
大家想想，「阿豬阿狗」突然叫我地唔好點點點，應該點點點，係咪要聽?
因為我地唔信任對方，我地唔想聽。
就好似我地返問「阿豬阿狗」會唔會聽我地「訓話」，
「阿豬阿狗」會答:「!!!唔好對我「指指點點」，你俾左好多個點我呢，同你有親?」
2014-02-16 23:37:46 補充：
人在長大後就是會不斷學習，
學校教個套同出來社會個套其實唔一樣。
我地要明白，人性有好多黑暗面，
正因為係人，所以有咁多黑暗面係正常。
如果通街都係善人，即係天使，雖然係好理想，你想、我都想，
但我地只係凡人，想由行為上升格做「天使」的只有少數...
約束唔到自己的就有好多...降格做「渣滓」。
所以呢個世界唔係人人平等，你想勸人，除了你是正確之外，
仲要先確認一下自己在對方心中的位置、或者對方是否一個坦蕩蕩的君子，
不然後果就是和期望走相反方向，
而且你自己的期望不等於別人的期望。
2014-02-16 23:42:52 補充：
我們又要明白一下有否強加自己的期望到別人的身上，
人有自由，嚮往自由，不想被拘束，條條大路通羅馬，
世界上唔係淨係得A餐同B餐，唔食A餐可以食B餐，
B餐食耐左覺得唔好可以試C餐，失敗乃成功之母，
錯得多有時學得多，跌下先學識行，
我們可以提供意見，別人不接受也沒辦法，三次為限，
同一意見主張太多次就是迫人太甚了。
2014-02-16 23:52:10 補充：
3) 自尊問題-「樽鹽」值幾錢?
呢個社會，我地細細個咩都唔識個陣就肯聽教聽話，
後來有了「自覺」(由經驗/學識的累積建立的思維系統)，
就會開始選擇聽還是不聽。
覺得對方識好多野，高高在上，或者成積有目共睹，我們通常會聽。
但很多時人就是不聽，
不聽原因有四：
a) 我學得多過你，我做的判定應該比你正確；
b) 我職位高過你，「唔需要」/「唔應該」聽你的話，唔駛你教我；
c) 狗眼看人低，你咁老/你只係一個乞衣/你只係一個職員仔/你未讀過大學wor/
你睇落唔多聰明/你唔方幫到我/你唔方叻過我
d) 愚痴：我今日唔想聽就唔聽
e) 懶：咁麻煩
2014-02-17 00:00:14 補充：
有時明知對方白撞的，
一來冇經驗，就亂俾意見叫你做白老鼠，
唔切身處地去思考，
當然可以唔聽。
但好多時都係「今日我當權，我主場，我冇問你意見。」
靠外表睇人，睇唔起人，唔知有d人食鹽多過你食米，或者深藏不露。
當自己的憶測就是事實，認不知真實，低估了人地。
我連我自己都搞唔清，對身邊的人認識又有幾多。
自己對別人的事情無知，就覺得對方是無知，是人常犯的錯誤。
見別人做錯了一件事，就忘了別人其他九樣長處，是人的天性。
看別人的背包視為包袱，就忘了自己可能也是別人的負擔。
2014-02-17 00:10:31 補充：
反思：
自覺自己的不是，而學習少說別人的不是，並學習改善，
但最後大部分人都只看別人的不是時，
眨低人地，抬高自己，(其實我覺得抬高不到，但人是無知。)
如果你做了一件錯事，就變成眾矢之的，
只因為你不願意推卸責任、直接承認錯誤、不學習把矛頭或紛爭指向別人，
以及在別人的記憶中，你相對多次沒有為自己辯護。
當大部份人都係偽善者的時候，善人是否需要學習偽惡?
2014-02-17 00:21:27 補充：
re 樓主:
你文入面有講到「包括你自己」架啵...而你講「人」係因為你想指出個現實, 有好多「人」既行為係較為趨向於接受婉轉既批評, 而好多「人」入面係包括你自己, 所以先想理解人既心理深處係諗緊D咩。
人傾向於接受婉轉既批評是因為婉轉的行為可以表達
「感輕對方的罪惡感，同時表現出我而家唔係同你追究/追債，
聽完理唔理睇你自己，跟我沒關係。」的訊息。
我婉轉時令你冇咁內疚，就可以打向心扉，坦承相對。
我婉轉時表現出我而家唔係同你追究/追債，唔會「迫狗跳牆」，追被訓者反咬一口。
(好多時人害怕承擔後果就會推卸和不承認，自己騙自己沒有做錯，「如何」改錯?)
