好困擾...關於我既性傾向同和人相處既問題,Help

我係男仔,今年17歲,F.6,性傾向既問題煩擾了我很久.希望大家可以比d建議同意見我..
幫下我,唔該你地.

我細個小學(P4-6)果陣開始覺得自己同D男仔玩唔埋,未至於比佢地排斥,但係同佢地就無乜計傾,佢地D話題我都無興趣,無計傾咁玩都唔會叫埋我玩,就同男仔們好似自自然然隔開左咁,我果時唔明白點解自己都係男仔,但總係融唔到入去,剩係睇住佢地一大班人...我果時只係因為自己性格內向,怕醜.

升到中學F1-3,情況同小學差唔多,同D男仔玩唔埋,同女仔都有2句傾下,中二果時我聽到有男同學話我係乸型,d行為舉止成個女人咁,我果時唔知咩係乸型,之後問其他同學仔先知.我果時諗返起我平時既行為,其實我係好自然咁做出黎,無惡意同特別扮出黎,例如有時d動作會大d,四肢動作會扭擰d,講野語氣似女仔,果時諗起覺得自己真係同男仔唔同,反而似女仔,諗野都似...加上我唔鍾意運動eg 足球,籃球,槍game online,同男仔更加無話題,加上我行為同思維又唔似男仔,雖然我學校d男同學未至於玩欺凌,但佢地都唔點理我,我總係覺得佢地唔鍾意我,印象唔好,似比佢地排斥,其實我好想同佢地做朋友,一齊玩,傾計,我覺得自己唔係一個衰人,但因為我既行為而被人排斥我覺得好唔抵,好似一單案未審就比人判左死判咁...當然我既性格比較唔鍾意郁,怕醜(但都唔知係咪因為我個腦似女仔所以咁).男仔動作行為似女仔真係很噁心同討厭嗎?我真係無心,我試過改,但唔係做自己始終唔可以持久,有排我要無時無刻提醒自己要"man"d,真係好痛苦,點解其他男仔可以做返自己,點解我同九十幾%既男仔唔同???

去到高中(F4-6),身邊既同學仔開始拍拖,男同女,女同男,有次同其他人講下女仔,咸濕野,果時我竟然無咩感覺,以為自己係因為唔咸濕所以無反應,後期識到一個男同學,和他挺好朋友,時間耐左我發覺自己好似比佢吸引住,會好緊張佢,想對佢好,想佢開心,總有種想比佢"保護"既感覺,我以為呢D係做朋友應有既態度,但之後我上網搵過相關既野,發覺呢D想法已經過左火,係同性戀既傾向.諗返起我之前睇AV果陣真係對個女仔無勃起既反應...其後試過睇過男同男同女同女既成人影片,對男同男既片明顯好大反應,有性慾,女同女我睇左成20分鐘都無反應,我係果時確定自己係同性戀......

到到現在中六,學習生涯仲有2個月,自己成熟左,識既野多左,諗起過往同將來,我宜家好徬徨同好驚,我既人際關係係呢六年黎都好似一獲粥咁,別人身邊就不乏朋友,係學校走廊見到邊個都係識既,會打招呼,我只係識得自己班的同學仔,隔離班既玩都未玩過,我其實都有朋友,但數目比起大多數人有的真的很少...別人的中學生涯多姿多彩,又拍拖又成,嘻嘻哈哈,我就成日都唔開心,驚比人排斥,開心的回憶真的少得很,好似晒左六年咁,白過,點解人地過得咁好......諗起未來,我唔知我既路應該點行,我好似偏離左大隊,點解我明明係男人,但就唔係真正既男人,點解我會鍾意男人?我明明無做錯過任何事,我唔接受自己既性傾向,我試過迫自己變直,迫自己對女仔有反應,最後都失敗,我係屋企既獨生子,我唔可以去搞Gay,我好錫我屋企人...唔可以比佢地知...我唔甘心,點解我既人生有咁多額外野要煩,仲要係一個咁大既問題,我1個17歲o靚仔真係唔識處理,仲有2個月就考DSE,我諗到就算好彩入到大學,中學既無人理,比人笑乸型,無朋友既片段只會係大學不斷重播,我咁既行為性格根本就唔會有好既人際關係,搞到我無心機去溫書,一溫書就諗起我未來要面對既問題,卻無處傾訴.我是否很討人厭?

唔好意思我經歷好長,大家可以比d關於我既意見同建議嗎?萬分感謝.