入大西北再出返荃灣? 笑死我…
首先, 荃灣綫尾班車由金鐘開0056 ($12.7, 30分鐘, 要0051或之前入到閘), 而且城巴930尾班車由灣仔碼頭開00:55, 大約01:00到達太古廣場. ($16, 45分鐘)
趕唔到呢兩架尾班車既話, 就搭城巴5B (堅尼地城尾車0200, 大約0215到達金鐘站, $3.4, 5分鐘), 搭一個站去到盧押道落, 先過對面馬路, 再沿住軒尼詩道車頭方向行, 到達灣仔電腦城門口搭灣仔-荃灣紅色小巴 (尾車開0330, 通宵收費$19 [不接受八達通], 40分鐘).
趕唔到5B尾班車, 可以搭城巴N8X ($9.4, 5-10分鐘) 搭兩個站到柯布連道落, 經行人天橋過對面馬路已經係電腦城. N8X由港澳碼頭每個鐘15、45分開一班, 但係隨時低於5分鐘可以到達金鐘站. 5B尾車之後, N8X 0215、0245班車可以趕到紅小, 但係0315嗰班就勉強啲.
0330之後, 最後既選擇就係搭N121 ($13.4) 去海底隧道收費廣場轉N122 (如果使用八達通, 有免費轉乘優惠) (兩程車程共35分鐘), 奶路臣街落, 行去朗豪酒店地下紅色小巴總站搭旺角-荃灣紅色小巴 (通宵收費$12 [不接受八達通], 25分鐘)