✔ 最佳答案
你好!
本人都係大學度修讀緊金融,亦有於金融業工作既經驗, 都叫做見過唔少人, 依我既經驗, 大公司既老闆或大部份既管理階層, 其實對佢地黎講商科讀邊科分別都唔大, 因為大學教既野, 大部份都只係理論, 除左D專業(e.g. 法律, 醫學, 建築等), 其他都冇咩用
但係大學四年既時間, 尢其係商科, 會有好多空閒, 你可以好好咁憝清楚你自己將來既路, 好似我咁, 我打算將來投身金融業, 所以就把時間都投放於到金融公司實習累積經驗
呢四年時間, 除非你好等錢洗, 如果唔係都唔好亂做兼職, 只會浪費時間
而且今時今日商界, 已經唔係只要求學歷咁簡單, 如果你本身係一個廢人, 四年既大學生活, 唔可能將你變做超人, 講到尾大學只係提供資源比你, 始終要靠你自己努力
另外, 商界的確好睇重名校畢業生, 但又唔代表非要名校不可, 你攞First Hons但幫唔到公司賺錢都只係高分低能, 而如果你經濟許可的話, 我仍然會建議你入海外大學好過留係香港讀
因為近年來港孩問題, 而且香港既幾間大學都傳過唔少是非, 所以大部份經理對香港畢業生印象都唔係幾好, (我都試過一見工就比人串香港大學生淫亂), 相反佢地覺得海外留學生比較獨立自主及國際視野, 所以即使你進了香港既大學亦要多爭取到海外留學機會
至於商科既出唔保險,銀行固然係最常見, 雖然金融業除IBank外, 入職時既人工都唔高, 但做得好的話百萬年薪係金融業裡面十分平常, 千萬或過億也有, 所以唔好成日怕辛苦, 好多高職位都係要由低做起, 我之前實習果陣有個港大畢業生, 畢左業成年都係唔夠一萬蚊, 另一個科大未畢業都有三,四萬一個月
做老師入職時薪水較高, 工作穩定, 但前途有限, 而且十年唔加一次人工, 唔好彩遇到D壞學生重慘
係香港讀商科通常都係呢幾間: 香港大學, 科技大學, 城市大學
係以前做會計師都算穩定, 但依家會計師工作愈來愈多, 壓力也很大, 雖然人工唔低, 但考牌困難, 而且你只唔小心計錯數, 你個名就係行內臭晒, 想轉工都唔易
Globe Business我唔清楚, 應該主要係認識其他國家既企業,市場等, 會比BBA專門一點, 因為BBA所教的管理範圍較大 除了人事管理, 還有工業生產, 財務等
Risk management計數較多, 銀行同基金公司都相當注重, 但呢科同Financial Engineering差唔多, 大部份都被電腦取代, 所以僧多粥少既情況愈來愈嚴重
Hotel and Tourism Management, 同個名一樣就係讀酒店管理, 酒店既管理方法同一般公司有D唔同, 但據我讀呢科既朋友所講兩年時間咩都讀晒, 入職都係由低做起
International Transport Logistics呢科完全唔清楚
至於Tourism Management, 香港旅幾年除左內地自旅客之外, 其他國家既旅客愈來愈少, 主要都本地人出國
唔好意為你讀管理, 一畢業就有得比你做管理階層, 得中學畢業既經理, 總裁都有唔少
2014-02-02 19:36:53 補充：
總而言之, 大學有好多資源, 亦有好多唔同既人, 無論讀邊科都唔好浪費四年時間, 蝕晒D學費比佢
2014-02-02 19:40:56 補充：
漏左中大
排名應該係: 香港大學 -> 中文大學 -> 科技大學 -> 城市大學
呢幾間商科都OK
2014-02-02 19:47:15 補充：
唔好對大學有太高期望
今時今日, 勞力重貴過學歷
你唔願辛苦, 任你哈佛博士畢業都冇用
