如何令自己工作爽手d?

或者可以嘗試解釋一下你點解會慢，每個人都有特點，有d人做事好快，唔會諗太多考慮太多，但有機會做錯，有d人做事會慢一點，因為做事比較謹慎，但錯既機會無咁多，你可能係後者，又或者你只係未熟習環境，又或者你新入職唔想做錯，自然又會特別謹慎，謹慎自然又會慢左，所以你現在需要的是認真工作，放鬆心情。

至於你問有咩方法可以快d，你可以睇下你d同事做野既方式係點，會唔會其實係好求其，拿拿淋搞掂收工果隻所以咁快呢?而你自己又會唔會係完美主義者，一d唔需要諗，唔需要美感，唔需要好齊整既野你太在意而導致你慢呢?

你同事點做，你就點做，唔好由自己諗辦法諗點樣可以做好佢，因為你似乎本身唔係果種人，你點諗既方法人地都未必會話你o岩，而人地做開果套就一定大家都唔會話你錯。你做d野似乎都係手板眼見工夫，你大刀闊斧，應該就會快，如果你好似雕花咁，就一定慢，我諗，你肯定成日比同事叫你"爽手d啦"............

又或者你唔適合做呢d工，搵過第二份岩自己既

從現在起,做一件事時,個心唔好想第二樣嘢.不可一心二用.集中精神.心裏記住:[乜都唔好理.一定要做好手頭嘅事先].天跌落嚟都唔好理.專注.一件還一件.一件未完絕對唔做第二件.
同時做嘢要有條理.睇下人地點嘅順序.人地點做自己諗過有效率就學.有樣學樣.其實在食肆工作最重要一眼關七.留意客人需要.例如:上牛排後客人會要芥醬.羊排,有人會要薄荷啫厘.乾炒牛河,客人會要辣椒醬.雲吞麵,有人會要醋.做慣條自然會明白人客的需求.例如食剩的食物客人會要求打包等等.你心裡明白客人的需求.及時提供協助就是做好本份.侍應.是代表食肆招呼人客的職位.替客人安排好坐位.接受客人柯打.做好上菜.依客人指示埋單,送客.成個過程圓滑是盡職.醒目侍應會好爽快令客人坐好.舒服,進行成個用餐過程.咁嘅工,同平時處世待人無乜不同.稍加留心就可以做得好好.你能自己反省,証明你有上進心.有此心志、又肯努力進取.你一定能得到賞識.嬴得朋友幫助.發展出自己锺意的人生!

其實好多時D野，都係「熟能生巧」既
你做得一星期兼職，想要有幾熟悉呀，隨非你以前都係做呢行，有晒相關既經驗，咁人地就會期望你能夠好快咁「上手」
凡係新人，都總要有一段適應期既你話自己做野太慢，令到同事既工作量增加，咁佢地有無因為咁而「話」過你呀？
如果無，咁即係佢地都體讓你係需要時間適應呢個工作，你現時既「慢」係正常
如果有，你咪「打蛇隨棍上」問下佢地既工作技巧
問下佢地點樣先可以一次過出多幾個餐，收多幾套餐具有時我見到D侍應，一隻手臂能托成三四個餐，呢D真係要經過長期既訓練，絕對唔係話你想學就學得到同埋有時行快兩步，都已經好唔同，重有，好老土都要咁講，做野真係要用個「心」去做你諗下你做「客」既時候，你想個侍應點招呼你
咁你就自然知道應該點樣召呼個客，個人做野極左，速度自然慢極都有個譜啦

有何捷徑或祕訣能迅速完成工作呢?
按照你的描述似乎對你的工作仍然未曾獲得正確的竅門,因此未能掌握該工作的步驟和進度。假如能夠在未曾工作之先,思想有關如何掌握該工作的竅門的話;那麼你就會達到所應有的進度;其方法是要細心,將工作的程序作有系統的分析,並按部就班地完成它。當然是熟能生巧,而且工作時勤於練習,比較笨手笨腳會掌握到更加有關達到迅速的竅門。

應該唔關事，除非你唔做，佢地做得仲快，咁你就係阻手阻腳，否則，多雙手做多好多，相信你俾人玩多。