交友的顧慮

2014-01-27 3:29 am

平時就係返工, 放假多數係屋企. 有時我悶起來想搵人whatsapp下, 但我會諗會唔會煩到人, 人地可能同朋友出緊街/ 同其他人whatsapp緊.

我係人面前會拘謹, 所以幾悶. 因此會自卑, 覺得人地同其他人傾仲好過啦, 做咩要同我傾. 所以都唔會主動找人whatsapp... 出街都係, 我當自己係後備, 人地搵我先出.

我個人妒忌心幾重, 聽到朋友講到佢同佢朋友既野, 會有d唔開心.

我的過去係空白, 不論大專,中學,小學既同學都冇聯絡, 因為唔熟. 唔算係朋友. 現在的朋友都係網上識, 得幾個, 就係以上講到的情況.

我曾經好頹廢, 會考唔掂, 2年唔做野唔讀書又冇朋友. 後來我答應過自己25歲之前要改善到自己既溝通&性格. 唔經唔覺就到. 進步好少... 我都怕會一直咁落去.

今年我訂立左幾個目標, 希望可以做到, 如果真係人際唔掂, 就轉向事業發展.
然而, 我一直渴望有個好同窗一齊奮鬥, 互相鞭策. 但要搵個同自己興趣夢想差不多的人, 談何容易.

回答 (6)

[匿名]

2014-01-30 4:14 am

✔ 最佳答案

人際唔掂事業都好難好得去邊..........
你被動到死搵人whats個app都諗左諗右
d世界仔周圍搵人傾計架只要講野唔好黑人憎就已經可以拉近少少關系
平時見到大家唔好又因為驚阻到人地而唔say hi 當睇唔到，就算佢同人地傾緊計你只要向佢微笑下已夠。主動搵人出下街，最好4個，唔好3個，3人行總會有個比人無視，人地講野哥時唔好打斷，試下表達意見入話題，唔次就成個稻草人陪行咁
唔好咁拘緊啦，講下笑，就算唔好笑都講下，唔好怕瘀，你衣家都知道拘緊之後既人際點架啦，發現唔掂咪改lor

有d人可能會覺得世界之大，可以搵到個同自己差唔多既人，欣賞自己性格既人，何必改變？但要幾耐先會遇到？！10年？20年？！不如改變自己啦

千其唔好有自己個世界只有自己一個人都得，人類係一定要有朋友去支持自己，分享自己既事，我覺得咁既生活先有意義！

要改變既唔係只有世界，仲有自己

👍 0 👎 0

用戶27802

2014-01-29 6:01 am

返工就返工, 放假亦多數在家,
大有人在,沒有甚麼奇怪

飲食的朋友,到處都是,
試想找個真正的朋友,
是多麼的艱難

👍 0 👎 0

[匿名]

2014-01-29 1:06 am

從你所說的話中，看到你的性格比較內向，而且憂慮過多，會自卑的。其實你想發信息給朋友就發吧，別想太多了，這樣更打不出，如果對方沒空的話也不會回你的。放心大膽地做自己想做的事吧，人逐漸长大，做人得有目標、方向。或許出來工作後又能認識更多的人，朋友圈也會廣的。以上小小建議。

👍 0 👎 0

yungyungyung

2014-01-27 10:39 pm

1) 交友要有耐性, 大家性格夾先至得
2) 工作忙不緊要, 可以上網識FD
3) 自己爭取機會, 主動識人最緊要
4) 要開放, 不斤斤計較~