有關是否被他喜歡上了的戀愛的煩惱

我在女校讀了很長時間所以對男生呀，戀愛這些都不太清楚。
我這年轉了校去了一間男女國際學校讀最後一年。對於學校有很多男生這點初初有點害怕也決定不會喜歡上男生的。
但有一天我在走廊跟朋友談話時被一個男生走過時蹱到我整個人搖左一搖，於是不禁抬頭看看那是誰，心諗應該係唔小心姐。但同樣行過比佢踫到嘅事情都發生過幾次，所以諗緊佢係唔小心定係專登嫁？
因為讀國際學校的關係，他都不說中文只說英文，甚少講中文因為佢吾係好識中文。不過佢係我面前同朋友傾計時會無啦啦講幾隻中文字。
我好少同佢講野，但當我同佢啲朋友傾講時佢會無啦啦加入一兩句對話然後離開。或者有次我同朋友傾一套戲傾到好開心，應該傾完嫁啦佢又行過黎望住我講嗰套戲佢覺得點。
好奇怪我地有眼神接觸嘅但覺得有時佢有望住我咁，可能係錯覺，但有兩次我問佢問題佢明明聽到但冇回答我。。。重有一次佢轉側身冇望住我講野，奇奇怪怪咁。佢試過幾次將我做完嘅小動作即刻做番出黎。我生日嗰日要考試於是我留左係課室溫書。佢開門入黎攞番啲野就出番課室，突然佢又入番課室同我講Happy birthday就即刻出番課室。有一次我放學後留低做野，咁岩有個男同學A都留低於是我就同嗰個男同學A傾計。而佢完左社團活動之後，就係我面前問男同學A係咪得A同學同我係到炸?我諗緊呢啲係咪叫吃醋?定係我諗多左? 就連有一次我冇參加一個活動，佢竟然知道我係去左補習明明我就冇同佢講，佢都知，重問我去邊到補習。

就上述所講嘅，佢這些行為算不算喜歡我呢？定係我諗多左自我意識過盛，其實只係正常同學關係？但我真係極小同佢講野嫁！我又係咪鐘意左佢？佢對我嘅一舉一動都記得咁。。。同埋好怕，如果我真係喜歡上左佢咁點算?因為佢講野差不多以英文為主，我怕會有詞言障礙影響我同佢之間嘅溝通。

求分析！幫下我＞.＜ 謝謝！