求天蠍男或了解天蠍男的人解答(20點)

本人巨蟹女, 佢係天蠍男
經過上一次既問題, 我終於同咗佢表白...
咁果日我送咗條領巾比佢, 之後我哋就開始食早餐
中途食食下我就開始表白
而我哋既對話係：
我：xxx, 我可唔可以問你一個好認真既問題？
佢：可以~~
我：你可唔可以做我男朋友？
佢：(害羞+少少驚嚇樣)誒...做咩咁突然...
我：其實我由中二既時候已經開始鍾意你。
佢：其實我係feel到既...
我：咁即係得定唔得？
佢：又唔係話唔得既, 你都幾好人既, 但係太突然喇, 試下都得既, 但慢慢黎囉, 唔係話唔得既...
我：你唔係話你feel到咩？(佢點頭)咁有咩咁突然= =
佢：慢慢黎, 唔洗咁急既。
之後因本人既面太紅而唔敢再講落去...
之後佢就話1月3號出黎,
但好可惜既係佢自稱病咗...
之後我哋1月15號出咗黎,
之後佢話做咩叫佢出黎...
當時既我真係好想打佢,
但本人只係講咗句：
因為本人無聊。
之後佢自稱因為陸運會而腰酸背痛而想返屋企,
我講話陪多我一陣嘛(認真本人當日好無聊想係街hea...
但佢話認真想休息下並同我講話果日好凍, 叫我快啲返屋企
當時我心諗我已經同佢講過好多次本人唔想咁早返屋企...
(本人母親生日, 夜晚要出去, 而且母親唔係屋企, 想直接出去...
之後最終佢同我係M記hea多陣就返咗去...
回想起成件事認真好想打佢...
--------------------------------------------------------------------
返返去正題,
我想知佢到底想點,
因為其實認真好珍惜依隻天蠍, 唔想冇咗佢...
你話以前我可以好容易就知佢諗咩, 但我依家真係唔得...
但係我哋傾起計黎有可以傾好耐...
到底佢諗緊啲咩...