何為梘水？點解會有梘水麵？梘水糭？

以前中國之梘水, 同以前英國, 德國等叫做Lye嘅物料, 不約而同, 都係利用將樹木及乾草等燃燒後, 剩下來嘅草木灰含有多量酸鹼, 用水浸泡提取梘水. 中國以陳村梘水最出名.
草木灰製成之梘水(Lye), 化學成份同現代化工材料Caustic Soda, 差不多完全一樣. 所以現時中外梘水多以Caustic Soda 調製.
外國製造食物方面, 朱古力, 橄欖等都要先行經過Lye處理, 再製成食物. 另外有一種叫做Pretzel之餅食(字典稱為’椒鹽餡餅’), 於入焗爐之前, 亦先經過Lye處理.
中國人用梘水混入食物, 較多人知道係用於製造麵條, 梘水椶等. 事實上, 月餅之餅皮, 亦必須混入梘水, 先至可以達到需要效果.
製造麵條, 梘水之腐蝕功能, 將麵粉微粒腐蝕成糊狀. 成糊狀後之麵粉微粒, 保存水份能力強. 經後期加工製成之麵條或麵塊, 表面平滑, 唔會甩粉. 亦成為含梘水麵條較爽(保水), 滑(表面平滑)之原因.
另外, 肥皂(番梘)係用Caustic Soda加脂肪製成. 肥皂濕水之後會滑. 梘水麵條煮熟後, 會放出微量梘水, 同脂肪混合, 亦造成滑之感覺.
同理, 去水喉因脂肪積聚閉塞. Caustic Soda同脂肪相聚, 化成粥狀肥皂. 用水一沖, 唔使搵人通.

應該係鹼水, 鹼水落係麵度係D麵好食D囉, 咁幾時落架？ 整麵果時就一齊落架啦。